Mizoram District khawpui hrang hrangah India Independence Day hman a ni

India Independence Day vawi 73-na chu nimin khan Mizoram hmun hrang hrangah hman niin Mizoram-a he Ni hmanna pui ber Aizawl Sipai Lammual-a neih chu Chief Minister, Zoramthanga’n a hmanpui a ni.
Aizawl-a India Independence Day hmanna ah hian Chief Minister hian Hnam Puanzar a pawhparh hnuah Parade Contingent ten Hnam puanzar chibai an buk chu a chhanglet a, mipuite hnenah thuchah sawi zuiin \hang leh thar ten zalenna sualtute inpekna leh an tawrhna te an zah thiam a, an inpumpekna leh mahni hmasial lova an inhlan avanga zalenna changa, hmalam hun thlamuang takin suangtuah thei an ni tih theihnghilh lo turin a chah a. Mizo pasal\ha, India zalenna sual hun laia Indian National Army a tel, thla hmasa mai a mualliam ta Pu Darthawma, Lunglei khua chu zahna chibai bukin, zalenna atana a inpekna chu Mizoramin a theihnghilh loh tur thu a sawi bawk.
Chief Minister chuan SEDP chu hmasawnna huapzo leh ngelnghet, a chhunga mipuite dinhmun ti hmasawn tur leh ei leh bar kawnga intodelhna tur, khawtlang nun tihmasawn a, mipuite hlimna leh thlamuanna thlentu tur a ni tih sawiin, Raw chin leh a tihpuitlin chu sawrkar Flagship Programme, SEDP hnuaia programme pawimawh ber pakhat a nih sawiin, hemi atan hian Raw chi hnih - Brandisii leh Latifloras te chu chin a tihpun theihin a awm tawh thu leh heng Raw lian pui pui pahnih, teh kuala inches 15-20 inkar leh feet 50 chuanga sangte hi tissue culture in a chi siam a kui\iah mek an ni tih a sawi a. Mizoram chhunga chin remchanna hmun apiangah a tam thei ang bera sawrkarin chin a, sawngbawl a thildang siamchhuah (process) nan hman tum a nih thu a sawi bawk.
India Independence Day hi Mizoram District khawpui hrang hrangah pawh hman niin Lunglei-ah chuan Agriculture Minister, C. Lalrinsanga chuan Hnam puanzar a pawtparh a, Siaha-ah Social Welfare Minister, Dr. K. Beichhua; Champhai-ah Transport Minister, TJ. Lalnuntluanga; Lawngtlai-ah Sports Minister, Robert Romawia Royte; Kolasib-ah Supply Minister, K. Lalrinliana; Mamit-ah I&PR Minister, Lalruatkima; Saitual-ah P&E Minister, R. Lalzirliana; Khawzawl-ah Home Minister, Lalchamliana leh Hnahthial-ah Health Minister, Dr. R. Lalthangliana ten Hnam Puanzar pawtparhin mipuite hnenah thuchah an sawi bawk.

lenkawl.khampat.com

Comments

Popular posts from this blog

PAN CARD an tih teh fo hi - Laldinpuia