Mizo puan pahnih neitu nihna Mizoram in nei ta

Mizo puan pahnih- Tawlhlohpuan leh Puan-chei te chu Mizoram in neitu nihna a nei ta a, Mizoram nilo, hmundang a\anga tahchhuah ve phal a ni dawn lo.

Ministry of Commerce and Industry hnuaia Department for Promotion of Industry and Internal Trade chuan Tawlhlohpuan leh Puanchei neitu nihna, Geographical Indication (GI) hi Mizoram sawrkar a pe a ni. GI hi bungrua leh thildang eng pawh, a siamchhuahna hmun bik neitu nihna a ni a, chung hmun a\anga siamchhuah te chu a \ha leh a dik a ni ngei tih finfiahna a ni nghal a ni. Department for Promotion of Industry and Internal Trade hian Tawhlohpuan leh Puanchei tana Mizoram hnena GI pek a nih thu hi Zirtawpni khan thuchhuah siamin a tarlang a, he thuchhuah a tarlan a nih dan chuan Tawhlohpuan hi Kut-a tah a ni a, Aizawl leh Thenzawl chu a tahchhuahna hmunpui ber a ni tih tarlan a ni.

Puanchei pawh Mizo puan zinga a mawi ber zing ami a ni tih tarlan niin he Puan hi Mizo hmeichhia zawng zawngin an kawl ngei \hin a nih thu te, Mizo ten Kutni vangthla-a a ven ber a nih thu te he thuchhuah ah hian tarlan a ni.