Serchhip DLAO Office in VC \hen dilna 2 dawng; VC Excluded Area Grant 40% dawng tawh bawk

Serchhip District chhungah Village Council pahnih te chuan VC in\hen dilna Serchhip DLAO Office-ah an thlen tawh a, heng te hi a \ul anga buaipui zui niin VC hi \hen a nih dawn leh dawn loh erawh nakum lamah hriatchian theih a ni chauh thung ang.

Serchhip DLAO Office a\anga thu kan dawn danin Dan pangngai ah chuan Mizoram-a VC inthlanpui chu nakum kumtir lamah neih leh a ni dawn a, hetihlai hian Serchhip District chhunga VC pahnih te chuan an VC a\anga indan leh VC \hen dilna Serchhip DLAO Office-ah thehlut tawhin heng te hi Serchhip-II VC a\angin Darnam Veng leh Serchhip-VII VC a\angin Chanmari Veng te an ni a, heng dilna hi an dawn angin DLAO Office a\ang hian Form siamsa hmanga endik a ni tawh a, hetah hian mihring cheng zat, In awm zat, Vote nei zat leh Vantlang thil hlu an neih te bakah sawrkar hmunhma awm dan leh a ramri turte enfiah a ni a, heng an enfiah hnuah hian lehkha pawimawh dangte nen Aizawl lama thuneitu sang zawk hnenah thehluh leh tur a ni dawn a. Hei hi Sawrkar thuneitu sang ten an enfiah leh hnuah VC \hen tur leh VC thar siam tur chu nakum February thla velah hriat theih chauh a nih tur thu an sawi a. Heng dilna an dawn tawh te bakah hian VC in\hen dil tum nia insawi te pawh an lo awm tawh thu sawiin, amaherawh chu tun thlenga mumal taka dilna an dawn tawh chu heng pahnih chauh hi a nih thu an sawi.

Tun dinhmun ah Serchhip District chhungah hian Village Council 49 awm mekin heng zinga 11 te hi Serchhip Town chhunga awm a ni a, heng bakah hian Sub-Village pahnih awmin heng te hi Chhiahtlang VC hnuaia awm Vanchengte leh Baktawng VC hnuaia awm Buhkangkawn te an ni a. Village Council din tur hian In leh mihring awm thei zat, a tlem lamah emaw, a tam lamah emaw bithliah a awmloh thu pawh sawiin, amaherawh chu In 30 aia tlem te erawh chu an buaipui ngailo thung tih an sawi a, tunah hian VC te kaihhruaina Dan chu siam thar leh mek a nih thu pawh sawiin, hei hi VC inthlanpui neih hmaa peihfel hman beisei a nih thu an sawi bawk.

Tunhnaia Village Council te Excluded Area Grant pechhuak thuai tura sawrkar an ngenna chungchang zawhna pawh chhangin, Serchhip District chhunga VC te tan hian he ruahmanna hnuaiah hian Rs. 455,38,900/- hmuh tur a nih thu sawiin, tunah hian hemi a\anga zaa 40, Rs. 182,15,560/- chu an dawn tawh thu an sawi a. Amaherawh chu he ruahmanna hnuaia hna thawh tur hi mipui ten an thlan hnuah a thawh dan tur leh la ruahman chawp tur a nih avangin tun maiah chuan la pekchhuah theih a nih loh thu an sawi bawk.