Kum 5 hnuai lamah mahni rihna tur phak zolo an tam

Comprehensive National Nutrition Survey a\anga a lan danin Mizoram pumah naupang kum 5 hnuailam mahni rihna ai tur phak zo lo 11.3% an awm.
Health Department hotuten ‘Comprehensive National Nutrition Survey Mizoram 2016 findings’ zirhona niminpiah-a Dr. F. Lal-lianhlira, Principal Director, Health & Family Welfare Office Chamber-a neih ah he thu hi tarlan a ni a. He hunah hian Comprehensive National Nutrition Survey Findings chungchang petu Dr. Zorinsangi, State Nodal Officer (Training) chuan an report hi tarlangin, he survey hian nausen piang hlim a\anga kum 19 inkar ei leh in bakah hriselna kaihhnawiha an dinhmunte a zirchiang a ni.
He zirchianna a\anga a lan dan chuan Mizo-ram pumah kum 5 hnuailam mahni rihna ai tur phak zo lo 11.3% an awm a, kum 5 leh kum 9 inkar ah mahni san zawng tur phak lo 23.6% awmin kum 5 hnuailam ah 28% an awm bawk. Heng bakah hian Anaemia (thisen tlakchhamna) kum 1 a\anga 4-ah 24.2% awmin kum 5 a\anga 9-ah 14.4% leh kum 10 a\anga 19-ah 18.1% an awm a. Vitamin B12 tlakchhamna pawh kum 1 a\anga 4-ah 6.3% awmin kum 5 a\anga 9-ah 4.3% leh kum 10 a\anga 19-ah 10.5% an awm a. Vitamin A tlakchhamna pawh kum 1 a\anga 4-ah 39.2% awmin kum 5 a\anga 9-ah 46.8% leh kum 10 a\anga 19-ah 21.9% an awm bawk.
He zirchianna hian kum khat a\anga kum 19 inkarah natna benvawn thlen thei thisen-a Cholesterol leh Triglyceride Level uluk takin a zirchiang bawk. Officer te hian hetiang dinhmun a\anga Mizoram tana hmalakna turte sawiho in, heng thil hrang hrang tlakchhamna leh natna benvawn ven nana hmalak dan turte an sawiho a ni. He survey hi India ram state 30-ah a vawi khatna atana neih zawh tawh niin he thil hi ei leh in leh chaw \ha tlakchhamna chungchanga study neih \hat ber pawl a ni.

Comments

Popular posts from this blog

PAN CARD an tih teh fo hi - Laldinpuia