SEP hnuaia Individual Enterprise Loan la turte tan Serchhip-ah EDP Training neih \an a ni

/
National Rural Livelihood Mission (NULM) hnuaia Serchhip khawpui chhunga Self-Employment Programme (SEP) a\anga Individual Enterprise Loan la turte tana ni thum chhung awh tur Entrepreneurship Development Programme (EDP) Training chu nimin khan neih \an a ni.
Entrepreneurship Development Programme (EDP) Training hawnna puala inkhawm tawi Serchhip UD&PA Conference Hall-a neih ah hian Serchhip District Urban Development Officer, Vanthangpuii chuan Self-Employment Programme (SEP) hnuaia pekchhuah \hin Individual Enterprise Loan chu mahni ke-a sumdawnna tenau din tum te tan kum 2015 a\ang khan Serchhip District-ah pekchhuah \hin a nih thu sawiin, Sawrkar in Entrepreneurship a ngaihpawimawh em avangin Loan pung 7% chunglam pawh Sawrkar in a rulh sak \hin thu a sawi a, Loan hi cheng nuai 2 lek ni mahse rilru nei leh tih tak takna nena dik tak a hmang tan chuan dinchhuah pui tham a nih thu a sawi a. District Urban Development Officer chuan tunhma a Loan an pek mi \henkhat ten an loan lak an rulh \hat tawk loh avangin Bank lamah harsatna an tawk \hin tih pawh sawiin, chutiang thleng lo tur chuan tun \uma Loan la te chu \ha taka an Loan lak rulh tum turin a chah a, eizawnna bul an \anna tur atan sum hman dan tur leh thil \ul te uluk taka ngaithlain Training chu hlawk taka hmang turin a chah bawk.
Self-Employment Programme hnuaia Individual Enterprise Loan la turte tan a training hi Mission Management Unit, DAY-NULM, UD&PA Department leh Centre for Entrepreneurship Development, Govt. Aizawl West College te buatsaih niin he hun hi Lallawmzuali, Manager, NULM Serchhip in a kaihruai a, Lalchhanhima leh Zodingheta, Asst. Professor, Aizawl West College ten SEP Loan la mi 47 te zirtirna an pe a, Vawiin-ah Financial Literacy Campaign leh hriattur tul te inhrialh hriatna hun Bank lamin an hmang ve leh ang.
  Tun \umah hian NULM hnuaia IE Loan la te hi MRB Serchhip Branch a\angin mi 18, MRB New Serchhip Branch a\angin 10, MRB Chhiahtlang Branch a\angin mi 2, MC Apex Bank Serchhip a\angin 3, SBI Serchhip Branch a\angin 12 leh UBI Serchhip Branch a\angin mi 2 an ni a. Heng mite tan hian Trade chi hrang 26 a ni. Self-Employment Programme (SEP) hnuaiah hian Loan hi chi thum pekchhuah theih niin  Individual Enterprise Loan bakah hian Group Enterprises Loan leh Self-Help Group Bank Linkage (SHG-BL) Loan pe pek \hin a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »