Latest News

School Education Minister in zirna kawnga Sawrkar hmalakna hrang hrang a puangchhuak

School Education Minister, Lalchhamdama Ralte chuan kan ram hian zirna lam a ngai pawimawh hle tih sawiin, zirna tih hmasawnna tura Mizoram sawrkar in Mizoram pum leh Serchhip District chhunga hma a lakna hrang hrangte Ningani kaltaa Serchhip-a India Independence Day lawmna ah a tarlang.

School Education Minister, Lalchhandama Ralte chuan kum 2018-2019 sawrkar kum chhungin High School Science Zirtirtu 66 leh Mathematics zirtirtu 48 lak thar an nih thu sawiin, Primary School Zirtirtu 100 leh Middle School Zirtirtu 60 te chu a ngheta lak an nih thu a sawi a. Thlawhbawk Zirtirtu tih mai, Aided Teacher pawh 36 regularise tura hmalak mek a nih thu sawiin, Zirtirtu indaihlohna phuhrukna turin MR Primary Teacher leh Middle School Zirtirtu 881 lak hna pawh kalpui mek a nih thu leh IV Grade 54 lak hna pawh kalpui mek a nih thu a sawi a. Tun thla 8 chhung mai khan Education Department hnuaiah hna thar 1122 zet siam a nih thu a sawi.
School Education Minister chuan Zirtirtu aikal lak chungchangah Education Department chuan Order khauh tak chhuahin, School Inspection pawh uluk zawk leh ngawrh zawka neih leh \hin tura chak taka hma lak a nih thu a sawi a. Kum 2015 Match 18-a zing dar 8:00-a School \an tura ruahmanna lo siam tawh pawh mi tam zawk tan remchanna aiin harsatna a thlen avangin Feb. 25, 2019 khan zing dar 9:00-ah thlak leh a nih thu a sawi a. Right to Education (RTE) Act 2009 hman a nih tak avanga March 23, 2011 a\anga Continuous and Comprehensive Evaluation (CCE) hman \an pawh kan ramah School naupang tam takin inthlahdah nan an hmang zawka hriat a nih avangin CCE kalphung-a a \halai te la chungin State mil tura her danglamin CCE Modified Form in kumin April 29 a\angin kalpui \an a nih thu a sawi bawk.
School Education Minister chuan kum 2018-2019 chhung vek hian Private Middle School 7, High School 25 leh Higher Secondary School 43 te chu Adhoc Lumpsum Grant-in-Aid dinhmun ah hlankai an nih thu sawiin, RMSA hnuaiah School 89 leh Staff Quarters 202 sak zawh a nih thu a sawi a. SSA hnuaiah kum kalta ah khan zirlai naupang 1,07,165 te a thlawna zirlaibu pek an nih thu leh zirlai naupang 98,086 te School Uniform pek an nih thu a sawi a. RUSA hnuaiah Assistant Professor 62 lak niin Model Degree College-ah College 4 hlankai tur niin hemi atan hian cheng vbc. 16 hmuh a nih thu a sawi a, College 13 tan Infrastructure Grant cheng vbc. 26 hmuh a nih thu a sawi bawk.
Serchhip District-a sawrkar in zirna lama hma a lakna te pawh sawiin, Serchhip District chhungah M/S chu tunhnaiah cheng nuai 13 sengin thuam thar an nih thu leh Govt. Model English Medium P/S pawh cheng nuai 14 sengin thuam thar a nih thu a sawi a. Cheng nuai 15 sengin IOC Veng P/S hmunah Guest House tur sak mek a nih thu leh Govt. Serchhip HSS tan Classroom cheng nuai 15 sengin sak belh mek a nih thu a sawi.
SSA hnuaia P/S naupang 1598 leh M/S naupang 2954 te hnenah a thlawna Text Book pe in Primary leh Middle School naupang 3311 te a thlawna School Uniform pek an nih thu a sawi a, Primary School 72 leh Middle School 63-a naupang 6354 te hnenah a thlawna Chaw chhun pek mek an nih thu te, Chhingchhip-a Residential Girl Hostel-ah naupang 50 enkawl mek an nih bakah District chhunga zirna In hrang hrang te hnenah infiamna hmanrua engemaw zat sem tuea ruahmanna siam mek a nih thu a sawi.
Govt. Serchhip College pawhin nasa taka hma a sawn thu sawiin Education Minister chuan kumin chhung hian Science Building tur sak hman tuma hmalak a nih thu a sawi a. Zirtirtu inchherhramna hmun, DIET-ah pawh Zirtirtute leh Zirtirtu nih tum te tan tluang taka training kalpui mek a nih thu a sawi bawk.

Comments

Popular News (Last 30 Days)