Chief Minister in Union Minister hnenah Mizoram mamawh hrang hrang a thlen

New Delhi-a cham mek Chief Minister, Zoramthanga chuan nimin khan Union Minister pahnih kawmin Mizoram mamawh hrang hrang a thlen a. Heng Mizoram mamawh a thlen te hi lo enzui an tum thu leh a theih anga tih hlawhtlin a nih tur thu an lo hrilh a ni.

Chief Minister, Zoramthanga hian nimin khan Union Minister of Agriculture & Farmers Welfare, Minister of Rural Development ni bawk, Narendra Singh Tomar chu a Pisa-ah kawmin ei leh bara Mizoram intodelhna tur atana hmalakna tur kawng hrang hrang leh Rua hmanga hmasawnna chak zawka kalpui a nih theih dan ruahmanna te kimchang takin an sawi dun a. Chief Minister chuan ei leh bara Mizoram a intodelh theihna tur atana chak taka hma lak sawrkarin a tum thu sawiin, Central Sawrkar puihna an mamawh tur thu a hrilh bawk a. Intodelhna tura hmalakna tur kawng hrang hrang uluk takin an sawi dun bawk. Union Minister hian theihtawp a chhuahpui tur thu leh rawtna pawh a \ul anga thlen \hin turin a lo hrilh a ni.
Chief Mnister hian Rua hmanga Mizoram mai nilo, North East pum leh ram \henawm te thlengin an \hatpui theih dan tur sawiin, hmalak dan tura a hmachhawp te a sawipui a. Scheme awmsa a\ang mai nilo, Scheme thar, Project thar leh Special Package hial pawh ruahman a ngaih tur thu an sawi dun a. Union Minister hian Proposal a dawn hunah kimchang taka a lo zirchian tur thu leh theihtawp a chhuah sak tur thu lo hrilhin, Prime Minister leh Finance Minister te pawh sawipuia rawtna pawh thlen sela \haa a rin thu a sawi a ni.
Chief Minister hian Union Minister of Road Transport and Highways, Nitin Gadkari pawh a Office-ah a kawmin, inkalpawhna lama Mizoram mamawh hrang hrang a sawipui a. Mizoram-ah Fur ruahtui a tam \hin avanga leimin, kawng tlahniam leh kawng chhia awm \hin chu uluk taka vil reng a \ul thu leh, hmun tam takah Lei (bridge) indawh te chu thuam \hat leh thlak thuai a \ul thu a sawi a. Kawngpui chu kan inkalpawhna ber leh ch√Ęk lakna ber a nih avangin ngaihthah a thiang lova, theihtawpa enkawl a \ul thu sawiin, Central Road Fund hnuaia Mizoramin sum a hmuh turte pawh a rang lama pe chhuak thuai turin a ngen a. Minister hian a thil thlen te hi lo enpuiin tih hlawhtlin ngei a tum tur thu alo hrilh a ni.

Comments

Popular posts from this blog

PAN CARD an tih teh fo hi - Laldinpuia