3d IR Bn. Hqrs. hmun tur sak hna zofel \ep

Lawngtlai bul Thingkah rama Indian Reserve (IR) Police 3rd Batallion hmunpui tur sak mek chu hnathawh tur zaa 85 zofel tawhin, kumin Krismas hmaa zawh fel hman tum a nih thu hnathawktu, North East Consultancy Service (NECS) hotute chuan an sawi.
3rd IR Battalion hmun tur sak mek hi MJA Lawngtlai District te chuan tlawhin Building satu NECS Managing Director, C. Remsanga chuan thla hmasa ni 13-a Home Secretary hova an inkawmho \umin kumin December thla hian hawn theih tura peihfel hman nise an tih thu a sawi a. Tunah hian Building 39 sak mek leh a chhunga kawng siam tur te nen hna thawh tur zaa 85 an zawhfel tawh thu MJA member-te hi a hrilh a. An bungraw hrang hrang a bo \hin avanga harsatna an tawh thu leh sawrkar hnenah venghimtu tur an dil thu sawiin, duty erawh dah an la ni lo a, hei bakah hian National Highway 54 a\anga 3rd IR Bn.Hqrs panna tur kawng hi mimal ram a nih vanga harsatna an neih thu a sawi bawk. Thingkah-a 3rd IR Bn. Hqrs hmunpui turah hian December, 2014 khan hna thawh \an a ni a, Rs. 28,42,28,000/- senga sak tur niin MJA hruaitute chuan he hna thawktu NECS te chu hna \ha taka thawka ram leh hnam tana chhenfakawm tak thawk tur leh a hun taka hawn a nih theihna tura zofel hman turin hnathawktute a ngen bawk.

Comments

Popular posts from this blog

PAN CARD an tih teh fo hi - Laldinpuia