Home Minister in Hrangturzo bial chhunga khaw hrang hrang a fangkual

Home Minister leh Hrangturzo bialtu MLA, Lalchamliana chuan tunkar chhung khan a bial fangin khawtlang hruaitute nen inkawmna an neih bakah Sailulak-ah Government H/S Building thar hawngin, N. Vanlaiphai Area MUP Conference chu khuallian niin a telpui bawk.

Home Minister, Lalchamliana hian Nilaini khan Kei\um, Khawlailung, Chekawn, Mualcheng leh E. Lungdar te tlawhin heng khuaah te hian amah hmu-a dawr duh mipuite tan hun ruahman sakin khawtlang hotute nena inkawmna hu a buatsaih a. A tuk Ningani-ah Leng leh Sailulak te tlawin, Leng-ah hian amah dawr duhte tana hun buatsaihin khawtlang hotute nena inkawma neih a ni a, Sailulak-ah hian BADP sum cheng nuai 20 senga Govt. High School Building sak thar chu a hawng a. School Building thar hawnna inkhawmah Home Minister chuan zirlaite chu mi hlawhtling leh thiamna lama rawn tlak ni tura inzir turin a fuih a, hlawhtling turin zirna a pawimawh ber fo tih sawiin, Zirtirtute pawh rinawm tak leh tui taka an hna thawka, ram tana rawngbawlna pawimawh tak, hna zahawm tak an thawk tih inhre reng turin a chah bawk.

Home Minister hian nimin khan N. Vanlaiphai tlawh lehin N. Vanlaiphai MUP Area Meet chu Khuallian niin a hmanpui a, kum lama upa zawkte chu ram tan rohlu, hriatna leh thurawn \ha tak tak kan hmuh theihna te an nih thu sawiin, Chhungkua, khawtlang leh ram relbawlna ah te thurawn \ha tak tak pe theitu nih tum zel turin a fuih a. Ram changkang leh hnam ropui apiangin kum upa zawkte an zahthiamin an chawimawi thiam \hin tih pawh sawiin, Mizote pawhin kum upa zawkte enkawl kawngah hma kan sawn zel a \ul nia a hriat thu a sawi bawk.

Heng a bial chhung khaw hrang hrang a tlawhna ah hian Home Minister hi Serchhip a\angin Chuauhnuna, Addl DC; H. Dolianbuaia, PD, DRDA leh Offial pawimawh engemawzatin an \awiawm bakah Aizawl a\angin FJ. Liantluanga, Director, DM&R, Vanlalrema, CE, P&E (Distribution) leh Official dang ten an \awiawm a, North Vanlaiphai SDO (Civil), Dorothy Muansangin, MCS; E. Lungdar BDO H. Lalhruaitluanga, MCS leh sawrkar mi pawimawh dangten an lo dawngsawng bawk a ni.