Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

ND&PS Act leh MLP Act zirho

/
Serchhip District Legal Services Authority (DLSA) chuan nimin khan Serchhip District-a Dan leh thupek kengkawhtute tan ND&PS Act leh MLP Act chungchang zirhona hun an buat-saih.
Serchhip SP Conference Hall-a ND&PS Act 1985 leh ,MLP Act 2019 chungchang zirhona hunah hian Serchhip-a Police leh Excise & Narcotics Department-a Officer te telin he hun hi Serchhip Addl. SP, C. Lal\anpuia chuan a kaihruai a, Serchhip-a Chief Judicial Magistrate, Ngursangzuali Sailo chu Resource Person-ah hman niin ani hneh a\ang hian ruihhlo chi hrang hrang man te thubuai siam sakna, Narcotic Drugs and Psychotropic Substances Act, 1985 chungchang leh Mizoram-a Zu khapna dan, Mizoram Liquor Prohobition Act chungchang hi zirtirin heng Dan bawhchhia a puh leh man ten Dan ang thlapa hremna an hmuh theihna tura Dan leh thupek kawngkawh ten an hriat tur pawimawh hrang hrangte a zirtir a ni.

Comments

Post a Comment

Popular News (Last 30 Days)