Prime Minister in 'Fit India Movement' hawngin Mizoram-ah 'Fit India Run Mizoram' neih a ni

/
Prime Minister, Narendra Modi chuan nimin khan Indira Gandhi Stadium Complex, New Delhi-ah 'Fit India Movement' a hawng a. Hemi denchhen hian nimin zing khan Aizawl Sipai Lammual-ah 'Fit India Run Mizoram' chu Deputy Chief Minister, Tawnluia hovin neih a ni.
Nimin zing-a Fit India Run Mizoram-ah hian Deputy Chief Minister, Tawnluia chuan Fit India Movement Programme pawimawh tak, National Sports Day a hman a ni chu lawmawm a tih thu sawiin, Sports & Youth Services Department kaltlangin Fit India Movement hi Mizoram-ah kalpui a nih tur thu leh tun \um hi a bul\anna a nih thu a sawi.
Deputy Chief Minister chuan Fit India in a tum bulpui ber chu ‘Taksa, rilru hrisel leh fit \ha, ei leh in thianghlim, nunphung hrisel leh uluk neih hi rampum hmasawn nan a pawimawh a ni’ tih a nih thu pawh sawiin, Taksa insawizawi uar zawka kalpui leh hriselna kaihhnawih kawngah he Movement hian hma a la dawn tih a sawi a, “Zirna In hrang hrangah hmalak hmasak ber a ni ang a, Sports lama talent neite haichhuah pahin rampumin hriselna lam hawiin \an a la dawn a ni,” a ti. Deputy Chief Minister chuan \halai tam tak, zuk leh hmuam leh ruihhlo bawi-a tlan turte, nunkawng diklo zawh turte chhanchhuah nan he Movement hian hma a la dawn tih a sawi bawk.
He hunah hian Sports & Youth Services Minister, Robert Romawia Royte pawhin thu sawiin, Fit India Movement chuan mitin in taksa tih fit kawngah hmalaa, nitin hun inpe turin a beisei a ni, a ti a. Mizoram sawrkar chuan Fit Mizoram Movement March Ni 22, 2019 khan a \an tawh a, rampum huap Fit India Movement nen pawh tum inang niin, taksa hrisel, rilru hrisel nei turin leh Mizo Hnam te hi India rama fit ber ni tura \anla zel turin mipuite a chah bawk.
Nimin zing-a he hun hmanna ah hian Chief Secretary, Lalnunmawia Chuaungo chuan Zirlai, Bharat Scouts & Guides, Sports Association hrang hrang kalkhawm mi 1750 hnenah Fit India Movement thuthiam a chham tir a. Fit India Run Mizoram bul tan nan kalkhawmte hian AR Ground, Lammual vawi hnih tlanin an hel a ni.
India ram pumah Fit India Movement hi nasa taka kalpui tum a ni a, Joint Secretary, Govt. of India hnuaiah Pisa-ah pawh din tura hmalak a ni bawk a. Fit India Movement-ah hian 'Physical Health and Mental Well Being' tih chu kumin thupui atan hman niin, kumtin atan thupui hrang hrang thlan lawk a ni a; Kum 2020 atan 'Healthy Food and Eating Habit', Kum 2021 atan 'Sustainable and Friendly Lifestyle' leh kum 2022 atan 'Healthy Life Practices' tihte thlan lawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »