Chief Minister hovin Rubber & Allied Crops Development Board \hutkhawm neih a ni

Mizoram sawrkar-a Rubber & Allied Crops Development Board chu nimin khan Chief Minister, Zoramthanga hova \hukhawmin Board hmalakna tur hrang hrang an sawiho a. Rubber, Coffee, Hmunphiah, Huhva leh a dangte chu a \hat theihna tur hmun te enfiaha a Area ang zawnga \hen a pawimawh hmasak thu he hunah hian tarlan a ni.

CM Cabinet Meeting Room-a Rubber & Allied Crops Development Board \hutkhawm ah hian Chief Minister, Zoramthanga chuan Rubber & Allied Crops Development Board chuan a hmalakna hnuaiah sum a chantir theih thing leh theirah chi hrang hrang zau taka a huam theih thu sawiin, Board chuan zirchian hmasak ngai te zirchiang in, a kal zelna turah pawh uluk tak leh duhsak bik neilo a kal tur a nih thu a sawi a. Board chu ruahmanna siam a Society te nen thawkho in, kawng kawhhmuhtu leh remchanna siamtu dinhmunah a din tur thu leh kuthnathawktute hmakhua chu ngaihpawimawh hmasak ber a nih tur thu a sawi bawk.

He hunah hian Board Chairman, R. Lalzirliana chuan \henawm State, Tripura chuan Rubber a\anga an sum lakluhin an economy a \anpui nasat thu sawiin, Mithiam ten an zirnaah Tripura Rubber aiin Mizorama Rubber kan neih mekte chu a hnai a hlawk zawk tih an hmuhchhuak lehzel chuan rubber chin hlawkzia a lantir thu a sawi a. Tun dinhmunah Mizoram-ah hian Rubber ching chhungkaw 1300 bawr vel an awm niin Mizoram Rubber Plantation Association chuan chhinchhiah in, an Rubber kung neih belhkhawm chu nuai 11 vel tura chhut a ni a. Chung zingah chuan kung nuai 6 chuang chu kumin hian hnai theih beisei a ni.

He Meeting-ah hian Rubber, Coffee, Hmunphiah, Kuhva leh a dangte chu a \hat theihna tur hmun te enfiaha a Area ang zawnga \hen a pawimawh hmasak thu sawilan a ni a. Rubber chu Low Altitude ngeih a nih avangin, hmun sang zawk (high altitude) ah chuan a kung lian \ha mah se chuanhnuai lam Rubber kungte aiin hnai a chhuah tlemin a hlawk tak tak theihloh thu sawi a. Plantation area tur fel taka duan bakah Link Road siam te, a chi/\iak \ha thei ang ber lak dan tur te, theihna lai apianga Mixed-Cropping kalpui te leh sawrkar laipui a Board dinglai te nen a indawr chungchang te sawiho a ni bawk.