Mizoram mamawh sawiho

Ramchhung economy dinhmun leh hma-sawnna tur atana Prime Minister thurawn pe tura a bika din, Economic Advisory Council to the Prime Minister (EAC-PM)-a Member Secretary, Ratan P. Watal leh Adviser, Rajeswara Rao te chuan nimin khan Aijal Club-ah Mizoram Sawrkar hotute kawmin Mizoram Economy \hang tura hmalak dan tur leh hmasawnna chak zawka kalpui anih theihna atana pawimawh te an sawiho. 

He sawihona hunah hian Mizoram Chief Secretary mawhphurhna la mektu, Ashish Kundra chuan Presentation pe in Mizoram ei leh bar a kan dinhmun leh eizawnna kawnga kan dinhmun tlangpui a tarlan bakah Mizoram hmasawnna tur leh India hmarchhak hmasawnna atana Mizoram \angkai theih dan chi hranghrangte a tarlang a, heng bakah hian Mizoram a\anga tharchhuah leh siamchhuah te an \angkaina leh \hatbikna bakah an hlutna te, a hralhchhuahna atana tihtur pawi-mawh te a tarlang a. Kawng \ha kan mamawh zia te, Tui leh kawlphetha a kan intodelhna atana hmalak dan tur te pawh a sawi bawk.
EAC-PM Member Secretary , Ratan P. Watal chuan tun dinhmun aia nasa zawka Mizoram a \han dan tur ngaihtuah chu an ngaihpawimawh anih rualin India hmarchhak pumpui \han dan nen an thlir kawp a ngai tih a sawi a. Mizoram chu ram zim te, mihring tlemna anih rualin India ram nen khaikhinin hnathawk thei \halai population a sang hle a, hei hi thil lawmawm tak a ni, a ti a. Tun dinhmuna pawimawh ber pakhat nia a hriat chu inkalpawhna chin hrang hrang – kawngpui, tui kawng, boruak kawng leh rel kawng tih changtlun a nih thu a sawi bawk.
EAC-PM Adviser, Rajeswara Rao pawhin Mizoram chu hmasawn tura theihna leh mamawh nei \ha ni a a hriat thu sawiin, EAC-PM chu thutlukna siamtu an nih loh thu leh PM hnena thurawn petu an nih thu sawiin, sawihona a\anga Mizoram tana mamawh leh India hmarchhak tana mamawh te an chhinchhiah thu a sawi bawk.

Comments

Popular posts from this blog

PAN CARD an tih teh fo hi - Laldinpuia