Anti-Tobacco Squad in nasa zawka hmalak relin kumin a dan bawhchhia man an tam tawh

Serchhip District Anti-Tobacco Squad chu nimin khan Serchhip District Bawrhsap hova \hukhawminnasa lehzuala Squad Drive neih chhunzawm an rel a. Kumin April ni 1 a\anga nimin thleng khan Serchhip District Anti-Tobacco Squad hian dan bawhchhia a meizu mi 110 an man tawh a ni.

Nimin chawhnu-a Serchhip DC’s Meeting Room-a Serchhip District Anti-Tobacco Squad \hutkhawm ah hian District Bawrhsap, Sangchhin Chinzah chuan Serchhip District Anti-Tobacco Squad ten \ha taka hna an thawk \hin chu lawmawm a tih thu a sawi a. District dangte lakah pawh an zahpuiawm bik loh thu sawiin, he huna tel te chu Vaihlo a\anga thil siam hian mihring hriselna a khawih pawi theih zia hretute vek an nih avangin a la hre velo te hrilh hretu ni \heuh turin a chah bawk.
He hunah hian National Tobacco Control Society-a Serchhip District Consultant, K. Hmingthansangi chuan an kalphung leh an hmalakna te tarlangin, National Tobacco Control Programme National Health Mission (NHM) hnuaiah duan a ni a. NTCP enkawlna hnuaiah hian Serchhip District-ah pawh Anti-Tobaccco Squad ten theihtawpa hma an lak \hin thu a sawi a. Kum 2018-2019 chhung khan Anti-Tobacco Squad te hian Squad Drive \um 77 neiin, Dan bawhchhia mi 110 an man a, heng mite pawisa chawi tlingkhawm chu Rs. 6,500/- a tling a. Kumin April ni 1 a\anga nimin thleng khan Squad Drive \um 23 nei tawh bawkin, Dan bawhchhia mi 89 man ni tawh bawkin an pawisa chawi tlingkhawm pawh Rs. 4570/- a ni a, heng pawisa te hi Anti-Tobacco Squad enkawl nana hman anih bakah sawrkar suma lut tura chhunluh \hin a nih thu a sawi bawk.
Nimin-a he Meeting hian puipunna hmuna mei zu \hin ten an sim theih nan nasa leh zuala Squad Drive neih nise tiin a rel a, thawhpui atan sawrkar Department dangte pawh a \ul anga sawm \hin nise a ti bawk.
He Meeting neih zawh hnu hian Training neih chhunzawm nghal niin Sarah Laldin-tluangi, Asst. Director, Food and Drug Administration chuan Food Safety & Standard Act (2006) chungchang a lem nena entirin a zirtir a. K. Hmingthansangi, District Consultant, NTCP chuan GATS and other Tobacco Control Laws tih thupui hmangin zirtirna a pe bawk a, zawhna leh chhanna hun hmangin sawihona hun an hmang nghal bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia