MJA Serchhip District President in Serchhip-ah PACS Cell thar a hawng

Serchhip Farming Cooperative Society in an kalpui tur, Primary Agricultural Credit Society (PACS) Cell chu nimin zing khan MJA Serchhip District President, C. Ramengmawia chuan a hawng.
http://lenkawl.khampat.com/
Serchhip AOC Veng-a Farming Cooperative Society building-a PACS Cell hawnna hunah hian MJA President chuan Society chu ram hmasawnna atana thil pawimawh tak a nih thu sawiin, khawvel ram changkang-ah te pawh \angkai taka hman a nih \hin thu leh Mizo ten Society kan hmang thiam tawklo chu kan inzirna tur pawimawh tak a nih thu a sawi a. Serchhip-a PACS hawn a ni chu khawtlang in rahbi thar kan rahna a nih thu sawiin, eng kawngah pawh khawtlang hmasawnna turah chuan MJA te chu an inhawng reng tih a sawi bawk.
Serchhip Farming Cooperative Society PADC Cell Chairman, Dengsailova kaihhruai he hunah hian Mizoram Cooperative Apex Bank (MCAB)-a AGM-a pension ta, C. Lalramzauva, Serchhip Ramthlun Veng ami chuan PACS chungchang sawifiahin PACS hi Reserved Bank of India (RBI) hnuaia din niin NABARD in an kalpui a nih thu a sawi a, mipuite tana him a nih thu leh RBI kaihhruaina siam te zawm chu sum peipun leh dah\hatna atan a him thu a sawi a. Mirethei te tan Bank-a loan lak a harsat \hin thu leh cheng nuaikhat aia tlem phei chu an buaipui peih meuh tawh loh laiin sum tam tham ni si lo chu mirethei te mamawh tawk a nih si avangin hetiang tan hian PACS chu \angkai taka hman theih a nih dawn thu leh hei vang hian PACS pawh tihchak zel a \ul thu a sawi a. PACS-ah hian Rs. 50/- pe in member a nih theih thu leh Rs. 500/- a share lei nghal ngaiin hei hi ban ruala lak leh theih a nih thu a sawi bawk.
Tuna he PACS an kalpui mek dinhmun pawh tarlangin C. Lalramzauva chuan, Share leitu mi 234 awmin mi 82 in sum an dah tawh thu leh mi 40 chuang hnenah loan an pekchhuah tawh thu a sawi a, NCDC a\ang pawhin \anpuina an hmuh tawh thu sawiin, thawktu mi pakhat lain tunah hian a thara hmalak zel an tum thu a sawi bawk.
He hunah hian PACS Board-a Secretary, Lalrodanga pawhin thu sawiin kum 2015 a\angin PACS hi lo kalpui tawh mah se Deposit a tlem avangin a nih tur anga hna an la thawh phakloh thu leh NABARD lamin \anpuina an pek tur ang pawh an la dawn phakloh thu a sawi a. Tunah hian MCAB-a AGM-a pension ta, C. Lalramzauva puihna hnuaiah nasa zawka hma lak an tum thu sawiin, PACS kaltlanga loan la duh te chu ni 2/1 lek chhunga an tihfel sak theih thu leh Guarantor-ah pawh sawrkar hnathawk kher hmang lovin mi rinawm te chu hman theih an nih thu a sawi a. Tuna Loan an pekchhuah tawh zingah rul \halo an la awmloh thu sawiin, mipuite chu an sum leh pai dah\hatna atan PACS chu hmang \angkai turin a sawm bawk a ni.

Comments

Popular posts from this blog

PAN CARD an tih teh fo hi - Laldinpuia