VC in sum pekchhuah phut

/
All Mizoram Village Council Association (AMVCA) chuan Finance Ministry in Mizoram VC te tualchhung hmasawnna tura cheng nuai 4544 a pekchhuah chu tun thla ralhmaa Mizo-ram sawrkar in a pechhuak lo a nih chuan All Mizoram Village Council Association kaihhruaiin nawrhna an kalpui dawn tih an sawi.
Nimin-a thuchhuah an siamah All Mizoram Village Council Association chuan Finance Ministry in Mizoram VC te tualchhung hmasawnna tura a pek \hin angin kum 2017 November thla khan Mizoram VC te tan cheng nuaih 4544 pek an nih thu leh VC ten hnathawhna tur pawisa an hmuh vat theih nan State sawrkar-a pawisa pek a\anga ni 15 chhunga pe tur leh an pekchhuah tlai chuan RBI rate-a interest chawi turin a hriattir tih an tarlang.
He sum hi Congress sawrkar chhunga pek an nih loh thu leh MNF sawrkar hnu kumin Feb. 26 khan Mizoram VC khawmpui lian, PUC Auditorium, Aizawl-a an neih ah LAD Minister, K. Lalrinliana'n thu a sawina ah, “Excluded area Fund (VC te hnathawhna tur fund) inhmuh tur hi tun a\anga kar hnih hnuah khawtinin in dawng vek ang,” tiin a puang tih an thuchhuah ah chuan tarlangin, hemi hnu July 3, 2019 khan District hrang hranga LAD Officer te hnenah he sum hi LAD Minister chuan semin a tak ram erawh Vawiin thlengin VC ten an la hmu lo tih an tarlang a.
AMVCA chuan LAD Minister in a tiam hnuah thla nga (5) chuang ralin tun thlengin Mizo-ram VC pakhatmahin he Fund hi cheng khat pawh an la dawng lo tih tarlangin, tun thla (August, 2019) ralhma ngeia Mizoram State sawrkarin Mizo-ram VC te pawisa tur liau liau cheng nuai 4544 hi a pekchhuah loh chuan AMVCA kaihhruaina in nawrhna an kalpui nghal tur thu leh Prime Minister hnenah Mizoram State sawrkar hekna Memo-rundum an thehluh tawh tur thu an puang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »