'Mizoram Khawpui Fai Intihsiakna 2019' hawnna Dy. Chief Minister hovin neih a ni

Urban Development & Poverty Alleviation Department buatsaih 'Mizoram Khawpui Fai Intihsiakna 2019' chu nimin khan PHE Department Changtu Deputy Chief Minister, Tawnluia’n Aizawl Chawnpui Veng-a a chenna In-a programme buatsaihah a hawng.

'Mizoram Khawpui Fai Intihsiakna 2019' hawnna hunah hian Deputy Chief Minister chuan khawpui fai inelna chu fai inzirtirna (awareness) atan a pawimawh tih sawiin, a hlawhtlinna tak tak chu mipuite ah a innghat a ni, tiin kum dang-a inelna an lo buatsaih tawh zawng zawng aia hmasawn zawk leh ti\ha zawk turin mipuite a fuih a. Inelna buatsaih hian mi thinlung a kaitho a, faina kawngah rilru a chawk phur a, sum leh pai dawn tur lam ai mahin mite thinlunga fai leh thianghlim a pawimawhzia inzirtirnan a \angkai avanga inelna buatsaih \hin a nih thu a sawi bawk.

He hunah hian UD&PA Secretary, Dr. C. Vanlalramsanga chuan intihsiak buatsaih a nih chhan sawiin, inelna buatsaih a nih hian khawpui tinin faina lamah nasa takin tan an lak phah a, thil thar leh entawntlak (best practices) an zawng a, khawdang tih ngai loh thil thar ching chhuak turin ngaihtuahna an seng a, mahni khua chauh nilo khaw hrang hrangin faina a hma an lak dan te inhre pawhin thawhhona \ha leh \anrualna a siam a ni, a ti a. State dangte chin ve hma hauhin Mizoram chuan kum 1977 a\ang khan Mahatma Gandhi piancham pualin Faina Hapta a lo buatsaih \an tawh tih sawiin, Fai inzirtirna kawngah Mizoram chu hmahruaitute zinga mi a ni, a ti bawk.

UD&PA Department hmalaknain Mizoram Sanitation Task Force hnuaiah Mizoram Khawpui Fai Intihsiakna hi Urban Town 23-ah neih a ni leh dawn ta a. He inelna hi kum 2017 a\ang khan kumtin buatsaih \hin a ni. Mizorama khawpui 23 te chu Category I leh II-ah \hen a ni a. Category I-ah hian District Headquarters - Aizawl, Lunglei, Siaha, Champhai, Kolasib, Serchhip, Lawngtlai leh Mamit te dah niin District thar pathum Headquarters te erawh dah tel an la ni rih lo a. Category II-ah Saitual, Khawzawl, Hnahthial, Vairengte, Tlabung, Kawnpui, Thenzawl, North Vanlaiphai, Darlawn, Zawlnuam, Biate, Khawhai, Sairang, Lengpui leh Bairabi te dah an ni a. Category I leh II bakah hian a pumpuia khaw fai ber ‘Over-all Cleanest Town’ lawmman a bik taka siam a ni bawk.

Cleanliness Competition 2019 inkaihhruaina bu leh kalpui dan tur mumal taka siam niin he Guideline hi Deputy Chief Minister, Tawnluia hian a tlangzarh nghal a. He Guideline-ah hian tih tur ruahmanna leh endikna tehfungte felfai taka tarlan a ni a. Kumin intihsiaknaah hian khaw tinah zirna in, sawrkar pisa, damdawi In leh Hotel-te endik a ni dawn a, rank pek an ni bawk ang.