MTTA buatsaih Mizoram Ranking Table Tennis Championship Serchhip-ah khelh \an a ni

Mizoram Table Tennis Association (MTTA) buatsaih Mizoram Ranking Table Tennis Championship-2019 chu nimin khan Serchhip-ah khelh \an a ni.
New Serchhip Community Hall-a khelh, Mizoram Ranking Table Tennis Championship-2019 hi Serchhip DRDA Project Director, H. Dolianbuaia chuan khuallian nia hawngin, Serchhip in hetiang intihsiakna a thleng chu lawmawm a tih thu leh Mizo ten infiamna kawng hrang hrangah nasa takin hma kan sawn thu sawiin, India ram mai bakah khawvel huap pawha hming lang kan neih ve tak fo thu a sawi a. Table Tennis-ah pawh India ram hriat hlawh kan neih ve mek thu sawiin, tun aia nasa zawka hmasawn a pawimawh thu leh intihhlimna atan ringawt ni lo, eizawnna atana hmang thei tura khelh a pawimawh thu a sawi a. He Championship hian Table Tennis khel \hin te karah in\hian\hatna thlen se a duh thu a sawi bawk.
He Championship Organising Committee Chairman, leh MTTA Vice President ni bawk, Remlalhruaia kaihhruai he hunah hian khual zahawm Serchhip District Sports Committee Vice Chairman, Lalremruata Ralte pawhin hetiang intihsiakna liantham thleng tlaka MTTA in Ser-chhip District Table Tennis Association te a ngai chu lawmawm a tih thu leh Serchhip District Sports Committee hnuaia Sports Association 20 te zingah SDTTA chu a nung ber pawh leh hma la nasa ber pawl an nih thu a sawi bawk.
Nimin a he Championship hawnna hunah hian Organising Secretary, F. Lalramdinliana chuan he Championship chungchang sawifiahin, tun \umah hian Mini Cadet a\anga kum 35 chunglam inelna thleng neih tur a nih thu leh Category 18-ah inelna neih a nih tur thu a sawi a, Club leh District a\angin Team 12 chhuakin infiammi 175 an tel tur thu leh District a\angin Serchhip, Lunglei leh Kolasib bakah Aizawl a\angin Club 9 an tel dawn thu a sawi a. Tun \umah hian pathumna dinhmun luah te hnenah pawisafai lawmman pek an nih tawh dawn thu leh a bika MTTA in Medal a siam pawh tun \umah hian semchhuah a nih tawh dawn thu a sawi bawk.

Comments

Popular posts from this blog

PAN CARD an tih teh fo hi - Laldinpuia