October-ah Bru hruaikir tum

Tripura Relief Camp 6-a Bru awmte laklet leh hna chu kumin October a\anga \an thei turin ruahmanna siam mek a ni.
Home Department hotute hnen a\anga thudawn danin Bru laklet leh hun tur hi sawrkar laipui lam chuan September an tinzawn na-in khaw awmdan a zir leh sum din-hmun bakah inpuahchahna kawng dang dang thlirin October thla a \an hman a beiseiawm chauh a.
Hetihlai hian Bru hovin thil ngiat hrang hrang an neih belhte chu tunhnaia Joint Monitoring Group inhmuhkhawmna ah hnawl a nih thu dawn a ni a. Sawrkar laipui pawhin nikum July ni 3 a Delhi-a sawrkar laipui, Mizoram leh Tripura sawrkar leh Mizoram Bru Displaced People’s Forum (MBDPF) te’n inremna an lo siam tawh ang bak chu thildang sawi belh a remti tawh lo. An inremna ah khan chhungkaw tin account a cheng nuai 4 dah, In sakna tur Rs. 150,000/-pek bakah kum hnih chhung thlatin chhung tin hnena Rs. 5000/- pek leh ei leh in tur a thlawna pek tihte a ni.
Hetihlai hian kumin July ni 3 leh ni 20 inkar khan Relief Camp a Bru awmte zinga Mizo-ram mi diktak enfiah nawnna hna thawkin Mizoram sawrkar official-te’n an zu kal chilh a. Hetah hian chhungkaw 4,278-a mi 26,128 chu Mizoram mi a chhinchhiah in an vai hian Mizoram a lokir an duh thu official-te an hrilh a. Hetianga kalpui a nih hnu hian Bru hruaitu \henkhat hian thil ngiat thar an nei leh ni a thudawn a ni.
Tun \uma Bru lakkir hna thawh tur hi a vawi kuana tur leh a tawp ber tur a ni a. Tun \umah hian lokir duh lo an awm pawhin sawrkar laipui chuan Relief Camp hi khar vek a \anpuina a pek \hinte pawh tihtawp vek a tum tawh thu JMG inhmuhkhawm hnuhnung berah khan an sawi chiang a. Hetiang a nih lai hian MBDPF hruaitute chuan an mite Mizorama an kir vek duh dawn leh dawn loh a la chiang lo niin an sawi thung.

Comments

Popular posts from this blog

PAN CARD an tih teh fo hi - Laldinpuia