LADC buaina High Court-in Larsap kutah dah; Nominated Member ten Vote thlak theilo niin sawi

Lai Autonomous District Council (LADC) sawrkar-a harsatna awm mek chinfel hna chu Gauhati High Court, Aizawl Bench chuan Mizoram Larsap kutah a dah nia thudawn a ni a, hetihlai hian District Council and Minority Affairs Department chuan ruat seat luahtu MDC ten sawrkar bukna ah Vote an thlak theilo tih a sawi thung.

Lai Autonomous District Council-a harsatna thleng mek chu chinfel a ni dawn hnai ta niin a lang a, Gauhati High Court hian Zirtawpni tlai khan thuremna tichhuakin LADC-a sawrkarna siamtu nih inchuhna chu Governor chinfel tur leh a thuneihnaah a dah tih a sawi. Tarlan tawh \hin angin LADC-ah hian Elected Member 25 leh Nominated Member 3, an vaiin member 28 an awm a. Chief Executive Member T. Zakunga kaihhruai sawrkar dinglai a\angin Congress MDC 4 leh Independent 1 te chuan MNF MDC 8 te nen United Legislature Party (ULP) an din a, LADC-ah Elected Member nei ngah zawk an ni tih sawiin, sawrkarna siamtir turin an ngen a. Congress lam chuan Nominated Member ten sawrkar bukna ah vote an nei thei nia an sawi bakah Congress a\anga chhuak te chu LADC inkaihhruaina Dan bawhchhia an nih avangin ban (disqualify) tur leh LADC Chairman-in Session a kohte chu dan dinglai kalh a ni tiin an buaina hi Court-ah kalpui a ni ta a ni.
LADC sawrkar-a harsatna a thlen mek lai hian Mizoram sawrkar-a District Council and Minority Affairs Department chuan ruat Seat luahtu MDC ten sawrkar bukna ah emaw, CEM thlanna ah emaw Vote an thlak theilo tih an sawi ve thung a. LADC-a Congress sawrkar a harsatna thleng mek chungchanga Congress CEM, T. Zakunga’n an harsatna tawh mek sutkian dan ngaihtuahpui tura Mizoram Larsap a ngen hnuah Larsap chuan Law and Judicial Department berawnin he thutlukna hi a siam tih District Council and Minority Affairs Department chuan a sawi bawk. LADC-ah hian thla hmasa khan Fur \hutkhawm neih a ni a, hetah hian sawrkar dinglai rintawk lohna Motion chu putluh niin Motion hi sawihona neih a nih hnuah buk tum niin hetah hian Ruat Seat luahtu ten Vote an neih theih leh theihloh chungchangah ngaihdan a inang lo a, Member te an inhnialbuai nasat avangin Police te pawh an inrawlh hial nia thudawn a ni bawk.

Comments

Popular posts from this blog

PAN CARD an tih teh fo hi - Laldinpuia