Vawiin-ah I-Day hmang dawn

Ram zalenna Ni champhaphak vawiin-a hmang turin inbuatsaihna peihfel a ni ta a, Serchhip-ah pawh chawhma dar 11:00-ah Independence Day hi hman a ni ang.

Serchhip-a India Independence Day hmanna ah hain School Education Minister, Lalchhandama Ralte chu khuallian tur niin India Hnam puanzar a pawtparh anga, Parade Contingent te chibai buk a chhanglet bawk ang. Serchhip-a India Independence Day lawmna hi DC Playground, Khawtetlang-ah neih tura ruahman niin zing Ni chhuah rualin sawrkar Building-ah Hnam puanzar zar a ni anga, zingkar-ah Home hrang hrangah he Ni puala thilpek semin chawhma dar 11:00-ah a lawmna pui ber chu \an tur a ni anga, hetah hian Khuallian School Education Minister, Lalchhandama Ralte chuan Hnam Puanzar a pawtparh anga, Parade Contingent 17 ten Hnam Puanzar chibai an buk chu chhangletin mipuite hnenah thuchah a sawi ang.

Independence Day lawmna neih zawh a nih hnu hian sawmbikte tan DC chenna, Khaw-tetlang ah sawmbik te tan thingpui ruai buatsaih a ni anga, hemi hnu hian Independence Day lawmna chikhat atana Football Tournament buatsaih chu Serchhip Sports Complex-ah Final khelh a ni bawk ang. He hunah hian mipui leh sawrkar hna-thawk te chu tel tura sawm an ni.