Congress-in sawrkarna a siam hunah Medical Research Centre hi kan nei leh ang - Lal Thanhawla

MPCC President, Lal Thanhawla chuan Congress Party in sawrkar-na a siam leh hunah Medical Research Centre kan neih leh tur thu a sawi.

Nimin-a Aizawl Congress Bhavan-a MPCC Friday Political Session-ah MPCC President, Lal Thanhawla chuan thu sawiin Falkawn-ah MIMER, Medical College \ha tak Congress sawrkarin a din thu leh Post Graduate zir zawm theihna tura ruahman leh Research Centre a nih nghal bawk thu a sawi a. “Pawisa sen khat pawh thawh lo, vaibelchhe 40 kan hnutchhiah pawh ti khawbaw-a Ar In leh Kel In a chhuah mai maitu hian ama hming chawiin Zoram Medical College a ti a. Congress-in sawrkarna a siam leh hunah Medical Research Centre hi kan nei leh ang,” a ti. Lal Thanhawla chuan eiruk thubuai nei khawpa sawrkar a inchhek milen leh mimal tana hman \angkai chu Politics-in a tum a ni lo tih pawh sawiin, chunglam duhdan pawh nia a lan loh thu a sawi a. “Congress sawrkar kal tawh hnathawhte mi in an thlir a, sawrkar lai mek hnathawh dan an thlir bawk a, mahni thutiama ding \hin Congress party hi kaihthawh leh an chak hle niin a lang,” a ti bawk.