Hnahtial khua ah bialtu MLA, Dr. R. Lalthangliana mipui ten ropui takin an lo hmuak

South Tuipui bialtu MLA leh Health Minister, Dr. R. Lalthangliana chuan nimin khan Hnahthial khua lutin District Organising Committee huaihawtin mipui tam takin an lo hmuak a, Hnahthial Bazar kawn-ah inkhawm neih zui a ni bawk.

Nimin-a amah lo hmuaktu Hnahthial khaw mipuite hmaah Dr. R. Lalthangliana chuan District-a an lo puan tawh District 3-te chu kum 2008 inthlanah an tlin zawh tak loh avang khan kum 10 chhung bawhzui lohin a awm tih sawiin, “Pu Zoramthanga kaihhruaina hnuaiah kan lo sawrkar leh ta a. |henkhat chuan kum 2026-ah District thar tihpuitlin turin an tiam che u a, chu chu keini chuan nghak zo lovin naktuk zing dar 8:00 a\angin National Flag kan pawtpharh dawn ta a ni,” a ti a. Hnahthial District-in a huam chin turah an duham hran lo tih sawiin, lungsi taka awm duh chu lawm takin an pawm mai tih a sawi a. “Mual\huam South khua, In 100 khua pawhin an rawn dil a, nimin maiah kan pawm. District thar neih avanga lawmthu sawi nan Hnahthial North-I VC member 2 pawh MNF-ah an rawn lut bawk. District thar kan neihna ah hian Finance changtu Chief Minister, Pu Zoramthanga chungah kan lawm hle a. Ka campaign laia ka lo auhla \hin District thar chu thla 6 awrhah kan tihlawhtling thei hi ka lawm hle bawk,” a ti.

Bialtu MLA ni bawk Dr. R. Lalthangliana chuan District thar hian kentel tam tak a nei dawn tih pawh sawiin, “Department hrang hrangah thawktu leh building thar tam tak a pun belh a \ul dawn a, District-in a ken tur chu a awm zel ang. District tharte tan hian 15th Finance Commission-ah pawh cheng nuai 1300 vel kan ruahman fel tawh. District-in a ken pawimawh tak chu inkalpawhna kawng a ni a, Thingsai lam kawng pawh kan siam mek. Hnahthial to Haulawng te, Pangzawl to Chhipphir pawh a rang thei ang bera thawh kan tum,” a ti a. Hnahthial mipuiten thinlung leh tih takzeta an \awng\aina Lalpa’n a chhan avangin Lalpa hnenah lawmthu an sawi reng tur a ni, a ti bawk.

He hunah hian Hnahthial DC thar, Vanlalmawia, MCS pawhin thusawiin District thar anih avangin hmalakna tur a tam a, sawrkarin District tichangtlung tura hma alakna thlawp turin leh \ha taka thawhho puiah Hnahthial mipuite a sawm a. Hnahthial SP, Devesh Kumar Mahla, IPS pawhin Hnahthial mipuite lawmpuina hlanin, SP hmasa ber atana ruat a ni chu lawmawm a tih thu a sawi bawk.