Latest News

I-Day Football Q/F khelh zawh a ni

Independence Day Football Tournament chu nimin khan Quarter Final khelh zawh niin New Serchhip FC, P&E Veng FC, Hmar Veng FC leh AWC FC ten Semi Final an lut.

Serchhip Sports Complex-a SDFA buatsaih Independence Day Football Tournament khelh mekah hian nimin khan Quarter Final khelh niin inkhel hmasa berah New Serchhip FC leh FC Serchhip Kawnpui te inhmachhawnin hun pangngaia goal khat ve ve inpe-a an in-hnehtawk hnuah Tie-Break ah New Serchhip FC hi 4-2 in an chak a. He inkhel ah hian FC Serchhip Kawnpui tan C. Lalduhzuala chuan goal khung hmasa in hei hi New Serchhip FC tan Felix Lalruatsanga chuan a sut a, 1-1 in an hun a tawp a. Extra Time khel lovin penalty Schoot-out hmanga chak zawk zawnna neih ah New Serchhip FC hi an vannei ta a ni.
Quarter Final inkhel vawi hnihna ah 2nd Division a\anga Quarter Final thleng awmchhun P&E Veng FCleh Chanmari FC inhmachhawnin P&E Veng FC hian chuan minute 74-na a Lal-dawngliana goal thun hmangin Chanmari FC chu si khat faiin an hneh bawk.
Inkhel vawi thumna ah Hmar Veng FC leh Vengchung FC te goal khat ve ve inpe-a inhnehtawkin Penalty Shoot-out hmanga chak zawk zawnna ah Hmar Veng FC an vanneih zawk a. He inkhel ah hian Vengchung FC hian minute 8-na ah Jerry Laldikkima goal thun hmangin hma hruai mah se minute 29-na ah G. Tlanghming-thanga goal khung hmangin Hmar Veng FC in an si phurh an sut a, huntawp thlenga goal dang lut lovin 1-1 in an inhnehtawk a. Penalty Shoot-out hmanga chak zawk zawnna ah 4-3 in Hmar Veng FC hi an chak ta a ni.
Nimin a inkhel hnuhnung berah AWC FC chuan Bungpui FC, Hriangtlang chu si thum faia hnehin Semi Final an lut a, AWC FC tan Lalhunthara chuan goal hnih khungin Lalthlamuana chuan goal khat a khung bawk.
Heti hian Independence Day Football Semi Final-ah New Serchhip FC leh P&E Veng FC inhmachhawnin Hmar Veng FC leh AWC FC an inhmachhawn anga, naktuk-ah Semi Final hi khelh a ni ang.

Comments

Popular News (Last 30 Days)