Mizoram-a HIV/AIDS pun dan leh hmalak a harsat dan enin Mizoram dinhmun chu a himlo niin sawi

Mizoram-a HIV/AIDS pun chhoh dan leh hmalak a harsat dan enin Mizoram dinhmun chu a himlo hle niin mithiamte chuan an sawi a. Nu naupai a\anga HIV hrik pai hmuhchhuah leh puitling zinga HIV hrik pai hmuhchhuah zat chu India ramah a sang hle tih an sawi bawk.

Nimin-a Aizawl District AIDS Prevention and Control Committee (DAPCC) \hutkhawm ah Dr R. Zonunmawii, District Programme Manager, DAPCU chuan Mizoram leh Swaziland, Africa khaikhinna a neih ah he thu hi sawiin, “Swaziland-ah tuna Mizoram dinhmun ang, Adult HIV Prevalence (a ram chhung mi za zela AIDS vei) chu kum 1992 khan 2.9% a ni a; Sawrkar leh a ram mipui ten an ngaihthah avangin kum 2017 a lo thlen meuh chuan an rama cheng mipui nuai 13 zinga 27.21% ngawtin HIV/AIDS an vei tawh a. Chuvangin, tun anga HIV/AIDS vei a pun chhoh dan leh hmalak harsat dan en chuan Mizoram dinhmun hi a him tawh lo hle a ni,” a ti.

He hunah hian Mizoram-a HIV/AIDS dinhmun tlangpui thlirhona neih niin kum 2017-a Nu naupai te an enfiahna a\angin Mizoram-a naupai za zela 1.19 chu HIV hrik pai an nih thu leh India rama a sang ber a nih thu te, he zirchianna ah tho hian India ram puma puitling zingah HIV hrik pai 0.11% an laiin Mizoram-ah chuan he natna hrik pai hi 2.04% niin hei pawh hi India ramah a sang fal hle tih tarlan a ni a. India ram hmundangah AIDS/HIV vei an tlem telh telh laiin Mizoram-ah chuan a pung hret hret zawk nia a lan thu pawh he hunah hian tarlan a ni. Kum bithliaha AIDS/HIV vei chhinchiah dan ang chuan Mizoram chhunga he natna vei zinga a tam ber chu \halai hnathawka chhungkaw din chho thei rual, kum 25-34 mi te niin Positive zinga 39.8% a ni a. A tam ber dawttu chu chhungkaw din tawh leh khawtlang tana \angkai taka thawk thei tura ngaih, kum 35-49 ni lehin Positive zinga 28.13 % a ni a. Tleirawl, nulat tlangval hmang chho rual, kum 15-24 zinga Positive chu 24.17% an awm bawk a ni.

Mizoram chhunga AIDS/HIV inkai-chhawnna ber chu Mipat Hmeichhiatna fimkhur lo taka hman vang niin hemi a\anga AIDS/HIV inkaichhawnna chu 65% a ni a. Inchiuna hriau thianghlimlo inhman\awm avangin 30.37%, Nu leh pa a\anga naupangin an vei 1.65%, a chhan hriatloh 0.29% an awm a. Mahni anpui kawpna a\anga inkaichhawn pawh kum 2015-16-ah 1.8% niin kum 2018-19 ah chuan 2.59%-ah a pung chho bawk.