Kudam 20 kalh sak an ni

Kolasib District chhunga Chhimluang khua leh Vairengte inkarah dan phalloa sak Kudam 20 chuang a awm tih hmuchhuah a ni.
Nimin khan Kolasib Bawrhsap, Zoengsanga chuan NH-54 a (Vairengte kawng) Truck ding \hin ten zin veivak te tana harsatna an siam te endikin a hmunah kalin thil nihphung a zirchiang a, he kawng enfiahna ah hian Highway Jam thlen nachhan ber chu kawngpui kama Sumdawng motor tam lutuk \hin vang niin, heng Motor lian te hian Champhai lam a\angin State pawna sumdawngte hnena pek tur Kuhva leh Phai lam a\anga Champhai kaltlanga Burma lama phurh luh tur lei\ha (urea) te inthleng tawnna hmun atana hman anih vang niin alang.
Helai kawngpui kamah hian a ram neitu mimal \henkhatin Godown sa in sumdawng te hian Kuhva leh Lei\ha chhekkhawm nan manchawiin an luah hawh \hin a. Hetianga sumdawng motor lian tam tak awmkhawm \hin hian Highway traffic Jam a thlen \hin avang leh helai hmunah hian dan lova Warehouse 20 chuang lai sak anih avangin DC thupekin Warehouse te hi kalhsak an ni a. Hei bakah hian sumdawnna bungrua Lei\ha leh Kuhva te hi dan anga kalpui an nih leh nih loh fiahna document hmuh tur a awm loh avangin man vek a ni bawk.
Kolasib District Bawrhsap chuan heng kuhva rah leh Urea dahkhawmna kudam hi The Warehouse (Development and Regulation) Act kalh anih thu a sawi a, mahni ramchhung ah pawh nise kudam sa turin sak phalna lak hmasak a ngaih thu a sawi a, Kudam luah hawhtu te chuan dan phalna hnuaiah sumdawnna an kalpui em tih te pawh Ram neituten an vil uluk a ngai tih sawiin, Urea leh kuhva rah lakluh/ thawnchhuah te hi dan phalna hnuaia kalpui a ni em tih finfiah turin lehkha (documents) hmuh tur a awmlo a, hei vang hian kalh a nih thu leh  District Administration phalna leh hriatpuina telloin hawn phal a nih loh thu a sawi bawk.

Comments

Popular posts from this blog

PAN CARD an tih teh fo hi - Laldinpuia