PRISM Party in Mizoram Governor kan Hnam hmelma ni hiala an ngaih thu an sawi

PRISM Party chuan Mizoram Governor chu 'The Mizoram Maintenance of Household Register Bill, 2019' a pawm duh loh avangin kan Hnam hmelma ni hiala an ngaih thu an sawi.
Nimin-a thuchhuah an siamah PRISM Party chuan Mizo hnam venhimna Dan \ha kan neih te neksawr chhoh mek zel a nih thu tarlangin, Myanmar a kan unaute nena zalen taka inkalpawh theihna kan neih chu tihtawp mek a ni a. Chutihlaiin Bangladesh a\anga hnamdang an lo luh theihna turin Citizenship Amendment Bill tihpuitlin tuma hma lak mek a ni a. Chumai ni lovin India ram a\anga hnamdangin min chim theihnan kan Innerline Regulation chu \hiah tum mek a nih thu an tarlang.
PRISM Party thuchhuah chuan kan Hnam himna turin Population Register neih kan duh thu leh chumi atana sawrkarin The Mizoram Maintenance of Household Register Bill, 2019 a pass chu lawmawm an tih thu tarlangin, amaherawh chu kan Governor in a pawm duhlo tih an tarlang a. Hetianga kan Hnam himna tur atana hmalakna a pawm duh loh avang hian kan Governor hi kan Hnam hmelma ni hiala an hriat thu leh he Bill hi pawm thuai tura an duh thu an tarlang a. Governor in Bill a pawm duh loh hian Assembly in a pass nawn chuan a pawm lo thei lo tih pawh tarlangin, hei vang hian Special Assembly Session kova Bill hi pass nawn turin sawrkar kan ngen nawn leh bawk.

Comments

Popular posts from this blog

PAN CARD an tih teh fo hi - Laldinpuia