Latest News

Retailer te bukna enfiah

Serchhip-a Legal Metrology Department chuan nimin khan Serchhip-a Retailer \henkhat te tlawhin an bukna hman an enfiah.
Serchhip-a Legal Metrology Department-a thawk te hian nimin tlai khan Supply Department hnuaia Retailer \henkhat te hi tlawhin mipui te hnenah buk dik taka Buhfai an sem leh sem loh an enfiah a. Hemi hmalam hian Retailer te leh Serchhip District Consumers Association te chuan inbiakna neiin buhfai buk hi Kg. 10 zelah gram 500 zela tling lovin buk tur leh Kg. 10 aia tlem ah chuan a tling ngeia pe turin inremna an siam tawh a. Nimin a Retailer an enfiah te hian Kg. 10 zelah gram 500-a an buk tlinloh bakah hian an bukna lo ti danglam an awm tih hmuhchhuah niin heng te hi siam \hat nghal a ni.
Legal Metrology Department-a Inspector, Johny Zonunmawia chuan hetianga Kg. 10 zela gram 500 cut tura tih hi anni chuan an hriatpui lo tih sawiin, Kg. 10 hnuilam tehna atana teh-khawng hran lo hman pawh dan-ah a remloh thu a sawi a, a remchan angin Retailer te bukna hi enfiah zui zel a nih tur thu an sawi bawk.

Comments

Popular News (Last 30 Days)