Latest News

District Council chawkbuaitu-ah sawrkar puh

Lai District Congress Committee chuan MNF Party kaihhruai Mizoram sawrkar chu Autonomous District Council te chawkbuaitu ah an puh.
Nimin a thuchhuah an siamah Lai District Congress Committee chuan he thu hi tarlangin, MNF-in state-a sawrkarna an siam tuk a\angin Lai, Mara leh Chakma Autonomous District Council-ah te an party sawrkartir tumin an bei nghal niin an tarlang a. Lai Autonomous District Council bikah chuan MNF Gen. Hqrs. hruaitu pahnih Lawngtlai-ah kalin Congress sawrkar-a MDC \henkhatte chu sawrkarna siampui ah sawm chhuakin, Congress sawrkar chu nasa takin a buai phah a, hei vang hian loh theihlohna vangin Congress Legislature Party (CLP) chhuahsantu MDC panga (5) te chu MDC a\anga ban an nih theih nan High Court hial thlen a ngai ta a ni, an ti a. Congress Legislature Party (CLP) chhuahsantu ten Ukil atana Adviser to Chief Minister ni lai an hmang chuan Adviser to Chief Minister dinhmun a tihhniam bakah Ukil hna pawh a tizahawm lo nia an ngaih thu pawh an thuchhuah ah chuan tarlangin, Adviser to Chief Minister Dawhkan, Office leh Ukil hna chu a lo zahawm zawkna turin tunhnuah chuan eng Court thubuaiah mah Adviser to Chief Minister Office luah reng chung chuan Ukil angin inlan tawh lo se an duh thu an tarlang tel bawk.

Comments

Popular News (Last 30 Days)