Lei dawh chungchangah hma la turin thuneitute ngen

Mizo Students' Union (MSU) Hmunzawl Branch chuan Khawlailung leh Hmunzawl inkara Lei dawh chungchangah tun thlenga sawrkar leh a changtu Department a\anga hmalakna ala awm lo chu pawi an tih thu an sawi.

Nimin a thu-chhuah an siamah MSU Hmunzawl Branch chuan August 1, 2019-a Tuichangral Zirlai Pawl ten thuchhuah siama Local Administration Department (LAD), Serchhip District hnuai a\ang a cheng nuai 7 hmang a thawk ang a tarlan kha; Rural Development hnuai a\angin cheng nuai 7 dang hmuh a ni tih hriat belh a ni tih tarlangin, cheng nuai 14 hmang a siam ni si, a derdêpin mipui tan a himlo hle tih an tarlang.

MSU Hmunzawl Branch chuan he Lei ban hi metre 1 bial tur a nih laiin feet 1 awrh chauha lian a phun a ni tih sawiin, ban pakhat ah hian rod 20mm a lian sawmparuk (16) hman tur a nih laiin rod 4 chiah hman a ni bawk a. A Lei khaitu leh a chhuat hnuaiah 16 mm a lian thir hrui hi kal ve ve tur a nih laiin, a chhuat hnuai a kal tur hi dah tel a ni lo a. A Lei khaitu hrui pawh hi a ban a chet nghal avangin duh ang a pawh mar ngam a ni lo ni a hriat a ni a, a foundation pawh hi a kau tawh a, tunah phei chuan Lei hi a kûl nasa tawh hle a ni, an ti.