NTUM in sawrkar ngen

National Trade Union of Mizoram (NTUM) chuan sawrkar in mamawh vanga hun rei tak a lo chhawr tawh hnathawktu hnuaihnung zawkte chawikan a nih theih nana hma lak sak turin sawrkar chu an ngen.

Nimin-a Aizawl Press Club-a thuthar thehdarhtute an kawmna hunah National Trade Union of Mizoram (NTUM) hruaitute chuan Mizoram sawrkar tana thawk hah ber ber te leh dinhmun hnuaihnung kumhlun chu MR te an ni ber tih sawiin, Sawrkar hnathawh hunbi chhung thawka, damloh nikhuaa chawlh leh ham\hatna engmah dawng ve lo, kum 60 tlina hna a\anga mai par thlawn tawp, thawh chhunga thihna hial pawh tawk mah se dawmzuina cheng khat mah dawng si lo an nih thu sawiin, hetiang an nih laia dinhmun ngai renga dah an ni chu hriat-thiam harsa an tih thu an sawi.

Muster Roll ten hnaa nghehna Quota 35% a neih ah dan anga kal zelin mi \henkhat an ngheh tawh thu leh amaherawh chu, Department a post awm hian a daih loh avangin mi 7000 chuangte chu beiseibo leh tangkhangin, tam tak chu kum 60 tlin vangin hna a\anga ban an ni mek tih pawh an sawi a. Hun \ha zawng zawng sengral leh chhung-kaw innghah nana hmang ve \hin te chu kutbengin an chhuak zel tih sawiin, Work-charged staff te dinhmun sawrkar in a pek te pe ve tura an phutna chu ti hlawhtling tura beiseina an neih thar thu an sawi bawk.