National Handloom Day hmang

 National Handloom Day vawi 5-na chu nimin khan Aijal Club Conference Hall-ah neih a ni a, Commerce & Industry changtu Minister, Dr. R. Lalthangliana chuan a hmanpui a ni.

He hunah hian Dr. R. Lalthangliana chuan sawrkar in Mau leh thildang danga hma a lak chhohna ah Commerce & Industry chu a hnukpui ber pakhat a ni dawn tih sawiin, ZOHANDCO, ZIDCO leh KVIC-te chu fu ke kima kal turin bul an \an leh chauh tih pawh sawiin, “Corporation-te \ha taka din thar leh tur hian, hun la duh deuh mahse, kan ennawn leh vek dawn a ni,” a ti.

Dr. R. Lalthangliana chuan Nilaini apiang in Mizo thuama inthuam tur tih sawrkar in a puan tawh thu pawh sawiin, “Kan State-in keimahni siam ngei Mizo Thuam kan hakna ni tura tih a ni. Kan Mizo-na lai tak hi hnamdang lakah pawh Mizote kan hlutna a ni. Mizoten sum leh pai kan sen tamna ber pakhat chu thawmhnaw hi a ni a. Foreign leh phai lam thawmhnaw hnawlin mahni hnam thuam i ngai hlu ang u,” a ti bawk. He hun hi Commerce & Industry Director, J. Hmingthanmawia chuan kaihruaiin Dr. R. Lalthangliana chuan mi 3 te hnenah 1st State Award for Weavers & Craftsperson chu a hlan nghal bawk a ni.