Aizawl DC hlui in IAS a\anga a banna a thehlut

Mizoram-a kum thum chuang zet rawn awma Hnahthial SDO (Civil) leh Aizawl DC pawh ni tawh, 2012 AGMUT Cadre IAS Officer, Kannan Gopinathan chuan Advisor to Administrator, UT Administration of Daman & Diu and Dadra & Nagar Haveli Daman kaltlangin Secretary, Government of India, Ministry of Home Affairs hnenah banna a thehlut.

Kannan Gopinathan hian Indian Administrative Service (IAS) a\anga banna a thehluh-ah hian thu tam thailang lovin a banna thehluh chu pawm tura a ngenna bak a ziak lo. Banna a thehluh hnua an kawmna ah, “Ka duh zawng sawi turin zalenna pumhlum neih ka duh. He service ka zawm chhan chu mi dangte tana \awng chhuah theih ka beisei vang a ni; mahse, he dinhmunah hian kan ding ve ta cheng a engmah ka sawichhuak leh thei si lo. Banna kan thehlut takah hi chuan duh zawng sawi thei turin zalenna ka nei let leh thei dawn a ni,” a ti. Kum 32 mi Kannan Gopinathan hian IAS hna a chelh hnua a posting hmasa ber chu Hnathial-ah SDO (Civil) niin hun engemaw chen a thawh laiin hnuhma \ha tak a hnuchhiah a. Hemi hnu hian Aizawl DC hna chu February 15, 2016 a\angin a chelh leh a ni.