Chenna In 1 \hiah leh a ni

Thla kalta, July thla a Serchhip-a ruahsur nasa avanga chhiatna kal zelah Inrinni khan chenna In pakhat chu \hiah leh a ni.

Kumin July thla lai-hawla ruahsur nasa tak avang khan Serchhip Saron Veng-ah hian In luahlai pakhat leh sak lai pahnih chu a chhe vek a, chhungkaw engemaw zat te chuan an chenna In an rauhsan bawk a, heng mahni In rauhsantu te zing ami Kawlhnuna te chu an In awmna a chet avang leh an kawt zawl pawh min-a lei a khik bawk avangin an chenna In hi luahzui ngam lovin an bungrua zawng zawng an thiarchhuak bawk a. Hetianga an In luahzui ngam a nih tak loh avang hian Inrinni khan In neitute hian an chenna In hi an \hiat ta a ni.

Serchhip Saron Veng-a leimin avanga Dinthar Vengsang panna kawng min chhia pawh Inrinni vek khan Dinthar Vengsang-a cheng te chuan hnatlang neiin lirthei kaltlang theih tura an laihzauh bakah an dawl bawk a, he hnatlang ah hian mi tlawmngai \hahnem tak an thawk a ni.

Hetihlai hian Mizo Conference of Seventh-day Adventist te chuan he leimin kaihhnawih a chenna In chan mi 3- F. Sawithanga, R. Lalduh-awma leh Joseph Topno te chu Inrinni khan Pastor Jonathan Lalthansanga, Circle Leader Ser-chhip hova tlawhin \anpuina pawisafai an hlan bawk.