Serchhip District Wrestling Championship neih a ni

Serchhip District Wrestling Association buat-saih, Serchhip District Wrestling Championship chu nimin khan Lalpuithanga Hall, Serchhip Chim Veng-ah khelh a ni.
Serchhip District Wrestling Championship hi Serchhip District Sports Committee Secretary, David Laldintluanga chuan khuallian nia hawngin Serchhip District-ah Wrestling lama Talent nei \ha tak tak an awm thu leh Mizoram mai bakah National Level thlenga Champion pawh kan lo neih tawh thu sawiin, amaherawh chu hun engemaw chen hmalakna mumal nei lova an awm hnuah District Championship hial buatsaih leh theih a ni chu lawmawm a tih thu a sawi a. Mizo zingah mi tam tak ten infiamna kan luhchilhin thawmhnaw leh hmanraw \ha kan ngaihtuah hmasa \hin tih sawiin, amah-erawh chu hlawhtling tur chuan kan hmanraw neih ang ang te hman \angkai dan kawng kan zawna thawhrimna nen kan beih a \ul thu a sawi.
Serchhip District Wrestling Association President, K. Tlangthanmawia kaihhruai he hunah hian report hrang hrangte ngaihthlak niin tun \uma Serchhip District Wrestling Championship-ah hian Categrory 6-ah inelna neih a ni dawn a, Mipa lamah Kg. 30 hnuailam a\anga Kg. 60 hnuailam inelna thleng neih tur niin Hmeichhia-ah Kg. 40 hnuailam inelna neih a ni dawn bawk a. Mipa-ah Wrestler 27 leh Hmeichhia-ah Wrestler 3, an vaiin mi 30 an tel a, heng te hi Thenzawl a\angin mi 14 leh Serchhip a\angin mi 16 an ni.
He Championship-ah hian B. Lalawmpuia, Thenzawl chu Best Wrestler-ah thlan niin Lawm-sangzuala, Serchhip chu Most Promising Wrestler-ah thlan a ni bawk. Category hrang hranga ti\hate chu heng mite hi an ni.
MIPA :
Kg. 30 hnuailam :
1. Lalremruata, Thenzawl
2. Zonuntluanga, Serchhip
3. Isak Vanlalpeksanga, Thenzawl
Kg. 40 hnuailam :
1. Lalrinfela, Thenzawl
2. Tc Lalrinhlua, Thenzawl
3. Zothanmawia, Serchhip
Kg. 50 hnuailam :
1. Lalramthara, Serchhip
2. Lalmuanawma, Serchhip
3. H. Lalruatzela, Serchhip
Kg. 55 hnuailam :
1. Lawmsangzuala, Serchhip
2. Rosangzuala, Serchhip
3. Freddy Lalmuanpuia, Serchhip
Kg. 60 hnuailam :
1. B. Lalawmpuia, Thenzawl
2. Lalrinliana, Serchhip
3. Lalthantluanga, Thenzawl
HMEICHHIA Kg. 40 hnuailam :
1. Lalhunthari, Thenzawl
2. Lalruatdiki, Serchhip
3. Ngurthanpuii, Thenzawl

Comments

Popular posts from this blog

PAN CARD an tih teh fo hi - Laldinpuia