Dan lova Vawk lakluh man
Serchhip District Magistrate thupek bawh-chhiaa Serchhip District-a dan lova Vawk lakluh 9 te chu nizan hmasa khan Mualcheng khua ah man a ni.
Thudawn danin heng Vawk te hi Khawzawl District ni ta, Sialhawk khua a\anga rawn lakluh niin Serchhip District Magistrate in tunhnaia District pawn a\anga Vawk lakluh khapna thupek bawhchhia a lakluh a nih avangin East Lungdar khua a Vety Department-a thawk te chuan man tumin an lo chang a, amaherawh chu an phurhna motor (207 Truck) hi a din mai loh avanga umzuiin Mualcheng khuaa Vety Department-a thawk ten an lo chang bawk a, Mualcheng khua ah hian an lo man ta a ni.
Serchhip-a AH&Vety Department hotute chuan heng Vawk te hi nimin khan Vety Deparment-a thawk te chuan Serchhip an rawn thlenpui tih sawiin, Vawk leh a phurhna Motor te hi Serchhip Police Station-ah dahin District Magistrate hnenah Report thehluh nghal a nih thu an sawi a. Heng Vawk te hi Lalhruaitluanga, Chanmari Veng Serchhip nia inchhal ta a nih thu pawh sawiin, District Magistrate thupek bawhchhia a Vawk rawn lalut hi District chhung mi pawh an awm avangin mipuite fimkhur tura an duh thu an sawi bawk. Heng Vawk te hi Inches 19 vela lian niin talh tham a ni deuh fur tawh a ni.
"Dan lova vawk lakluh man"
ReplyDelete21 August 2019 a tih chhuah
Sailulak atanga vawk hi lakluh a ni lova,Sailulak hi Khawzawl district a ni lo bawk a,Serchhip district zawk a ni e.
Khawngaiha he thu chhuah tihsual palh hi a tih dikna min siamsak leh turin leh Sailulak atanga vawk hi lakluh a ni lo tih min publish sak leh turin editorial board-te Sailulak mipui te chuan kan ngen a che u.
Min tih hlawhtlinsak chuan kan lawm hle ang.