H&TE Minister in Govt. Serchhip College tlawhin zirlaite nen inkawmna an nei

/
Higher & Technical Education Minister, Dr. R. Lalthangliana chuan niminpiah tlai khan Govt. Serchhip College tlawhin zirlaite nen inkawmna an nei a, he hunah hian Minister chuan zirlaite chu Mizorama mi langsar ni tura inzirchhuak ngei turin a chah.
Govt. Serchhip College tual-a zirlaite nen an inkawmna hunah hian H&TE Minister chuan khawi hmunah pawh awm ila kan ngaihtuahna a hniam loh a pawimawh thu sawiin, eng hna pawh thawk thei tura thiamna nei tuma lehkha zir turin zirlaite a chah a. Khawvel hi cho loh en-a en bik mai lovin, ‘Engpawh ka ti ve thei a ni’ tih rilru pu a, huaisen taka awm turin a chah a. Zirtirtute pawhin zirlaite harsatna beidawn pui mai lova, an theihna phu tawk zela dawmkang thiam tura theihtawp chhuahpui \hin turin a chah a, ‘Govt. Serchhip College hi Mizoram-ah a \ha ber kan ni thei a ni’ tih rilru pu \heuh turin a chah a. Tunlaiah hunawl kan nghah tawh tih pawh sawiin, kan hunawl te hmang \angkai a, Mizoram-a mi langsar ni ngei thei tura zirnaa hun pe tam turin zirlaite leh zirtirtute a chah a ni.
Higher & Technical Education Minister chuan College Infrastructure ah pawh a theih anga hmalak chhunzawm zel anih tur thu sawiin, RUSA a\angin building sak belh nan cheng vbc. 2 vel pek an nih tur thu a sawi a. Asst. Professor indaihlohna pawh sawrkarin a hriatpui tih sawiin, a theih anga ngaihtuah sak zel an nih tur thu a sawi a. Serchhip District chu zirna kawngah District dangte aia sang-ah a awm \hin tih sawiin, chutah chuan lungawi mai lovin zirlaite chu eng nge an nih chhun-zawm zel tih hi a pawimawh a ni, a ti bawk.
Niminpiah tlaia Govt. Serchhip College tlawhtu Higher & Technical Education Minister hi Govt. Serchhip College Principal, PC. Lalremsiama leh thawktu dangte bakah College zirlai ten lo dawngsawngin College Principal chuan Minister in an College a tlawh chu lawmawm a tih thu sawiin, College in harsatna an neih hrang hrangte a lo thlen bawk a ni. Govt. Serchhip College hi 1973 a din niin, tunah hian Subject hrang hrang 13 zir theihna hawn mek a ni a. Zirlai 375 awmin, zirtirtu 47 leh thawktu dang 14 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »