112 Emergency Response Centre (ERC) hawng

Home Minister, Lalchamliana chuan nimin khan 112 Emergency Response Centre (ERC) chu Aizawl SP Office-ah hawngin, Emergency Response Support System (ERSS) Vehicles a vailiam nghal bawk.

Emergency Response Centre hawnna puala inkhawm ah hian Home Minister chuan chhan hrang hrang avanga rikrum thil lo thleng \hin atana lo inrinlawkna \ha chu hun rei tawh tak a\anga chona awm a nih thu sawiin, rang taka beisei anga hma la tu C-DAC hnenah lawmthu a sawi a. Nitin nunah mitinin rikrum thil \halo tawng thei vek kan ni tih pawh sawiin, ERSS hawnna atan hian sawrkar laipui chuan cheng nuai 438 Mizoram sawrkar pe in, heta \anga cheng nuai 48 vel chu la hmanloh a nih thu a sawi bawk.

Home Minister chuan ERSS hi India ramah a hmasa ber atan Himachal Pradesh-ah hman a nih thu leh tun dinhmunah State leh UT 16-ah hman a ni tawh tih a sawi a. Emergency thil reng reng ah India ram pumah Number 112 hi hman tawh tur a ni a, Mobile Phone emaw, panic button emaw, SMS, Mobile app 112 India a\angin Emergency Response Centre hi call theih reng a ni, a ti a. Mizoram-ah Pilot Project atan District pali Aizawl, Champhai, Kolasib leh Lunglei-ah te Response Team te dah a nih thu a sawi a. ERRS in a tum chu engemaw avanga chhiatna leh rikrum thil a lo thlenin, awlsam zawka \anpuina dil leh chhan-chhuahna hna leh a \ul dangte thawh vat theihna tur a ni, a ti bawk.

112 ERRS hi Home Ministry leh Ministry of Women & Child Development bultuma buatsaih niin 112 ERRS hi chhiatna hrang hrang kangmei, medical lamah leh accident hrang hrang a lo thlena engtik lai pawha call theih a ni a. Police, Fire leh Ambulance motor te hemi atan hian inring rengin an awm a. Emergency Response Centre enkawl tur hian Police 16 te train an ni a, hemi te bakah hian C-DAC chuan kum thum (3) chhung a vil pui bawk dawn a ni.