VC \hiah chungchang ah thu chiang lo

Mizoram sawrkarin tun thla, August ni 6-a Tlungvel VC a \hiah chu Tlungvel VC te Gauhati High Court ah zualkoin, High Court chuan sawrkar in Tlungvel VC a \hiahna Order chu a titawp nia sawi a ni a. Hetihlai hian Court Order-ah chuan hetiang hi a awmlo nia thudawn a ni.
Tlungvel Group MNF ten Tlungvel VC, Congress member 4 leh MNF member 2 te chu point 10 hmangin Mizoram sawrkar ah an khing a, Ombudsmen Court-ah an hekna point 9 ah thiam changin point pakhat, 'An thuneihna piah lama ram inpe' tih hmangin LAD Department chuan Tlungvel VC chu August ni 6, 2019 khan a \hiat ta niin thulakna chuan a tarlang a. Tlungvel VC te hian an VC \hiahna chhan point hi mipui kalkhawmin, 'Tlungvel ram chhunga ram awl te VC ten compensate awm thei turin lo siam rawh se' an tih vanga anmahni hminga ram pe an nih thu sawiin, heng te hi khawchhung cheina tura ruahman a ni a, mipui kalkhawmin ti tura an tih anga ti an nih thu an sawi a, hek an nih hnuah an hminga ram an pek te chu Revenue Department ah paihtir leh vek nia sawiin, chuti chunga VC \hiah a ni chu Gauhati High Court-ah an khing ta nia thudawn a ni.
Hetihlai hian hemi chungchanga Court thupek-ah erawh chuan Court hian Tlungvel VC chu \hiah anih loh chhan tur insawifiah turin a ti niin a lang thung a. Hei bakah hian Tlungvel VC ten hek an nih hnuah an hminga ram an pek te chu Revenue Department ah paihtir leh vek nia an sawi chu department thuneitu lam chuan DC Office a\angin hetiang hi an hriat loh thu an sawi thung a ni.

Comments

Popular posts from this blog

PAN CARD an tih teh fo hi - Laldinpuia