AMC bawlhhlawh sawng-bawl dan MPYCC in dem

Congress Party |halaite chuan Aizawl khaw-pui bawlhhlawh sawngbawlna mumal engmah a awm lo niin an sawi.

MPYCC hian Inrinni khan Tuirial-a bawlhhlawh paihna hmun tlawhin hemi hnua thuchhuah an siam ah Aizawl Veng hrang hrangah bawlhlawh lakkhawm dan kalphung a inang lo a, \henkhatah \awih thei leh \awih thei lo an thliar avanga mipui an buai phah em em laiin AMC bawlhlawh paihna Tuirial-ah chuan hmun khatah an chhungkhawm leh vek si tih an sawi a. Hetiang taka mipui tibuaia mumal lo taka bawlhlawh sawngbawl a ni leh si hi pawi an ti tih sawiin, AMC hian mipui pawi a khawih nasa em a, a bilha tho lo a nih zia a tilang chiang hle a ni, an ti.

Bawlhlawh paiha thil diklo tam tak awm hi sawrkar laipuia an lehkha thehluhah chuan dik leh fel ang vekin an lantir ni a sawiin, hei hian hlemhletna nasa takin a ti zual niin an tarlang a. Hetianga diklo leh fel hlel taka AMC in bawlh-lawh paih a kalpui hi MPYCC chuan titawp ngam se, mipui tihbuai ringawt hi a dik lo a ni, an ti bawk.

MPYCC chuan Plastic leh sarang lam chi hrang hrangte hman loh tur tia hmalakna an thlawp rualin, a thliarhranna hmuna engmah thliar hran a ni leh si lo chu hriatthiam har an ti hle tih an thuchhuah ah chuan an tarlang a, AMC sawrkar hian an inzawrhna, Free Wifi an tihte kha khawnge a awm tih zawtin, Parking Fee khawn dan kalphung pawh a mumal lo hle niin an sawi bawk.