Faina leh thianghlimna kawnga inelna tur Swachh Survekshan Grameen-2019 hawn a ni

Sawrkar laipui in Faina leh thianghlimna kawnga thingtlang khuate dinhmun zirchianna leh inelna ni tura a ruahman, Swacch Survekshan Grameen 2019 (SSG 2019) chu nimin khan PHE Department changtu Deputy Chief Minister, Tawnluia chuan a Pisa-ah a hawng.

Deputy Chief Minister Pisa-a Swacch Survekshan Grameen 2019 (SSG 2019) hawnna hunah hian Deputy Chief Minister, Tawnluia chuan a ram angin India hian faina leh thianghlimna kan veiin, kawng hrang hranga Sawrkar, pawl leh khawtlang ang ten hmalakna hrang hrang neiin a pawimawhna te kan hre chho zel chu lawmawm a tih thu leh Mizoram-ah pawh nasa takin hemi kawnga hmasawnna kan neih te chu lawmawm a tih thu a sawi a. PHE Department leh UD&PA Department te chu Swacch Bharat, Clean India programme kengkawhtu, mipui zirtirtu mai ni mah se he programme a taka tihlawhtling theitu chu khawtlang, pawl, chhungkua leh mimal te an ni tih a sawi a, kan zawn \heuhah faina leh thianghlimna kawngah mawhphurhna kan nei vek a ni tih hi kan hriat \heuh a pawimawh thu leh he programme a lo hlawhtlina a ram fai leh thianghlim, mipui hrisel kan nih theih nan sawrkar programme hi theihtawpa \awiawm turin mipuite a sawm a. Hemi kawngah hian Mizoram-a tlawmngai pawl – YMA, MHIP leh a dangte an \angkai thu sawiin, faina leh thianghlimna kawngah hian an thawhhlawk hle a ni, a ti bawk.

India rama chengte fai leh thianghlimna (Sanitation) lama hma an sawn theihna turin India sawrkar chuan kum 1986 a\ang khan hma a lo la \an tawh a. Kum 2014 a\ang khan Swachh Bharat Mission hming vuahin nasa zawkin hma ala chho ta a. He programme hi \huang hnih: thingtlang (Rural) leh khawpui (Urban) ah te \hen niin Thingtlang (Gramin) hi PHE Department in a enkawl a, khawpui (Urban) chu UD&PA Department lamin an enkawl thung a ni. He programme in a tinzawn ber chu, 'Chhia leh \ha hriatna in miten fai leh hrisel duhna thinlung an nei ang a, phut leh beisei awm lovin hriselna atan an thawk dawn a ni' tia kalpui niin, hei hi 'Mission Mode' an ti a. He programme hian a tum ber chu kumin October ni 2, India Hnampa Mahatma Gandhi piancham vawi-150-na ah India ram chuan India Fai (Clean India) a thleng hman tur a ni tih hi a ni.

He hmathlir nei chung hian sawrkar chuan rampum hi faina leh thianghlimna (Sanitation) in a tuamchhuak hman ngei tur a ni tih te, tuna kan dinhmun aia hmasawn tur leh khawlaia inthiar awm lo (ODF) turin theihtawpin hma a la a. Faina kawnga State leh District-te thawh \hat dan hre turin tehna thuhmun hmangin India ram pumpui tan Ministry of Jal Shakti, Department of Drinking Water & Sanitation chuan 'Swachh Survekshan Grameen 2019' chu a lo buatsaih ta ni.

Faina dinhmun endikna tur hian India Sawrkar chuan 'IPSOS, Research Private Limited' chu a thlang a. Mizoram a\angin khaw 176 endik tur a thlan niin District endik tur atan Mizo-ram a\angin District pakhat Siaha District thlan a ni bawk a. Heng Faina kawnga endikna tur hian an Khua ah kala endik tur anih dawn avangin hnathawh a awlsam theih nan lo \awiawm \hat a pawimawh hle dawn tih sawrkar thuchhuah chuan a tarlang a ni.

'Swachh Survekshan Grameen - 2019' hi August ni 14 khan New Delhi-ah Union Minister, Ministry of Jal Shakti, Gajendra Singh Shekhawat chuan a hawng tawh a. State tinte hawnna hun hmang tura a ngen angin nimin khan Mizoram tan he programme hawnna hi neih a ni a. He hun hi PHE Chief Engineer (Headquarters & Water Resources), F. Liantluanga chuan kaihruaiin H.C. Lalnunzira, Director, WSSO chuan Swachh Survekshan Grameen-2019 chungchanga hriattur pawimawh hrang hrangte a sawi bawk a ni.