APYE Programme-a kal turte kawmna hun hmang

Mizoram Youth Commission (MYC) Chairman, Dr. Vanlal\anpuia chuan nimin khan a Office Chamber-ah Asia Pacific Youth Exchange (APYE) Programme, Seoul, South Korea-a Mizoram Team-te Meeting neihpuiin he Programme atana hriat tur pawimawh hrang hrang an sawiho.
He Exchange Programme-a kal turte hian APYE website-ah application an thehluh hnuah interview hrang hrang hmachhawnin APYE, South Korea, Delegation Management Team lamin an rawn thlan an ni a. Heng zirlai thlanchhuahte hi 50% scholarship APYE-in an pe anga, a bak 50% hi MYC-in an tumsak ve thung dawn a ni. He Programme-a kal tur hian University hrang hrang a\angin zirlai mi 13 thlanchhuah an nih bakah Programme Officials mi 3 an kal dawn a, School Education Minister, Lalchhandama Ralte chu he programme Opening Ceremony-a Chief Guest tura ruat a ni bawk.
Asia Pacific Youth Exchange Programme hi kum 1-ah vawi hnih neih \hin niin, Asia Pacific Countries-a zirlaite tana buatsaih a ni a. Hetah hian ram hrang hranga naupang thiam thlanchhuahte chuan ni 16 chhung vel January thla-ah Bangkok leh August thla-ah S.Korea-ah intihsiakna hun an hmang \hin a; hei hi \halaite leh \hangthar ten United Nations hnuaia Sustainable Development Goals (SDG) an hmel hriata, mahni awmhmun \heuha he project hi an kalpui theih nan leh khawvel siam\hat hna hi an kuta a awmzia inhrilh hriatna hun atan hman \hin a ni.

Comments

Popular posts from this blog

PAN CARD an tih teh fo hi - Laldinpuia