MPYCC in hma la turin Mizoram sawrkar an phut

/
Mizoram Pradesh Youth Congress Committee (MPYCC) chuan MNF sawrkar chu Mizoram in Central Pool Quata-a MBBS Seat a neih leh nana hma la tura an phut thu an sawi.
Nimin a thuchhuah an siam ah MPYCC chuan tunhnaiah Mizoram tana kum 2019-2020 atana Central Pool a\anga India ram Medical College hrang hranga MBBS Quata pek \hin chu tihtawp vek a nih thu leh pawi an tih thu an tarlang a. Kum 2017-2018 chhung atan MBBS seat Central Pool atana awm tawh lo tura thawm a awm laiin, Mizoram-in MBBS seat 25 vel leh BDS seat 5 a neih \hinah Central Sawrkarin MBBS Seat 17 leh BDS Seat 3-ah a rawn bithliah tih tarlangin, hei hi khatih laia Mizoram sawrkar chuan veiin a rang thei ang bera hmala nghalin, Chief Minister Lal Thanhawla chuan Mizoram tana MBBS seat pek \hin chu a ngai ang, 25-a tihpun leh nise tiin August 21, 2017 khan Union Health Minister hnenah lehkha a thawn bakah khatihlaia Mizoram MP pahnih, CL. Ruala leh Ronald Sapa Tlau te chuan Health Minister J.P.Nadda appoinment siam hmasa lovin(gate crash) hmuh tumin, Minister hi a lo zin avangin a khawihtu, Arun Singhal, Joint Secretary, Health & Family Welfare Ministry chu an hmu hmu nghal bawk tih an tarlang a.
Hei mai bakah hian khatihlaia Higher & Technical Education Department Minister, R.Romawia chuan August 23, 2017 tlai-ah Ministry of Health & Family Welfare-a Secretary chu hmuin, Central Pool a\anga MBBS/BDS seat hmuh tlem chungchang hi sawipuiin, Sawrkar hotuten \hahnemngai taka theihtawpa hma an lak avangin BDS seat 3 pek belh kan ni tih an tarlang a. Kum 2019-2020 chhung atana Central Pool a\anga Mizoram tana MBBS seat pek \hin chu Central Sawrkarin a rawn titawp tak vek avang hian kan ramin a mamawh em em Doctor zir tum zirlaite a timangang takzet nia tarlangin, hetiang hi boruak awmdan anih mek laiin, MNF sawrkar chuan hma a la nep hle nia an hriat thu an tarlang a. ‘Mizoram-in Medical College a neih tak avangin seat pek loh kan ni’ tia chhuanlam siam lova Central Pool quata MBBS seat Mizoram in kan neih let leh ngei theih nan theihtawpa hmala ve tura an phut thu an thuchhuah ah chuan an tarlang bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »