Hnathawh hmuh tur a awmlo niin sawi

MJA Champhai District chuan Champhai Press Club panna kawng sum ruahman tawh leh thawh zawh tawh anga lang chu a tak hmuh tur a awmlo niin an sawi.

MJA Champhai District hian nimin khan General Body Meeting neiin kum 2015-16 chhunga Champhai PWD Division hnuaia MJA Press Club panna kawng, cheng nuai 4.2 sanction fel vek tawh leh thawh zawh tawh anga lang chu a taka hmuh tur a awm lo niin an sawi a, hemi chungchang hi thuneitu sang zawk hnenah thil kalphung hrilhhriat a, Press Club panna kawng a taka siamsak tura ngen nise an ti.

Hei bakah hian MJA Champhai District chuan Champhai DC nena thawhhona chungchangah nikum July 27-a DIPRO kaltlanga inkawmna an neih ah an DC kaltawh te nena thawhhona \ha tak an lo neih tawh \hin anga thawhpuiah an awm hnuah Bawrhsap hnena ram leh khawtlang tana thawkho tura an ngenna chuan awmzia a nei chuang lo tih an sawi a. Hei hi hriatthiam har an tih thu sawiin, thu leh awm hma chuan Champhai District Bawrhsap kaihhnawih thu leh hla reng reng puanzar tawh loh nise an ti bawk.