MHIP General Hqrs. hruaitu thlanna neiin President thar ah Lalthlamuani thlantlin a ni

Mizoram-a Hmeichhe insuihkhawmna pawl lian ber, Mizo Hmeichhe Insuihkhawm Pawl (MHIP) General Hqrs. hruaitu thlan chungchanga harsatna a awm hnuah nimin khan hruaitu thar thlanna hi neiin President atan Lalthlamuani, Kanan Veng chu thlantlin a ni.

lenkawl.khampat.com

Kumin April ni 17-a MHIP General Hqrs. hruaitu thlanna neih turah Secret Ballot hmanga Nomination siam chu tihchingpen nia hriaa Senior Civil Judge Court, Aizawl-ah Rohmingliani, Kulikawn in MHIP Gen. Hqrs. khinna thehluta MHIP General Hqrs. hruaitu thlanna neih theih a nih loh hnuah Gauhati High Court, Aizawl Bench in August 31, 2019 ralhmaa hruaitu thlanna buatsaih tura a tih angin nimin khan Aizawl Vanapa Hall-ah MHIP General Hqrs. hruaitu thlanna hi Central YMA kaihhruaina hnuaiah tluang taka neih a ni a. He inthlanna ah hian President atan Lalthlamuani chu thlantlin niin ani hian Vote tla 1079 a\angin Vote 418 a hmu a. Vice President-ah Saipuii, Electric Veng thlantlin niin Vote tla 1071-ah vote 483 a hmu a, General Secretary-ah T. Lalthangpuii, Tuikhuahtlang thlantlin niin ani hian Vote tla 1049-ah vote 474 a hmu bawk. Asst. Secretary-ah Lalbiakengi, Mission Veng tlingin Vote tla 993-ah vote 422 a hmu a, Treasurer-ah Lalramnghakim Chanmari Veng chuan vote tla 849-ah vote 457 hmuin Fin. Secretary-a thlantlin Lalengkimi, ITI Veng chuan Vote tla 810-ah vote 445 a hmu bawk a ni.

Tarlan tawh angin kumin April ni 17-a MHIP hruaitu thlanna neih turah Secret Ballot hmanga nomination siam chu tihchingpen nia hriain Senior Civil Judge Court, Aizawl Ro-hmingliani, Kulikawn chuan MHIP Gen. Hqrs. khinna a thehlut a, Court hian inthlanna neih tur hi a cancel nghal a. MHIP Gen. Hqrs Coordination Committee chuan Court-a thubuai inchiah a fel hma leh inthlan \hatna anih hma chuan hruaitu ni mekte chu MHIP hruaina hna thawh chhunzawm turin resolution an siam a. Hetihlai hian Sr. Civil Judge Court hian June ni 17 khan MHIP Hqrs. chu \hiatin hruaitute chu MHIP hminga engmah ti zui lo tur leh an seal te pawh thehlut turin a ti a ni.

He thupek hi MHIP Gen. Hqrs. chuan Gauhati High Court, Aizawl Bench-ah an khinglet ve leh thung a, he thubuai hi kumin June 25 khan ngaihtuah a nih hnuah High Court hian Sr. Civil Judge thutlukna siam tawh hi hnawlin, MHIP inthlanna felfai leh thianghlim buatsaih thuai a \ul tih chu Court ngaihdan a ni tih a sawi a. Hemi hnu June 27 khan he thubuai hi ngaihtuah lehin August ni 31 ralhmaa hruaitu thar thlanna nei turin a rel sak a. High Court ruahmang ang chuan inthlanna nei turin MHIP Gen. Hqrs. Coordination Committee in ruahmanna a siam anga, inthlanpui turin NGO dang sawm tur a ni a, Secret Ballot hmanga nomination siam hun chhung tur pawh Coordination Committee ruatfel turin a ti a, Secret ballot hi Registrar, Firms & Societies emaw, a aiawhin emaw office-ah dahin seal thlap turin thu a pe bawk a, hemi ang hian inthlanna hi neih niin inthlanna hi fimkhur taka kalpui a ni a, huntiam chhunga Vanapa Hall a lut hmanlo mi \hahnem takin Vote an thlak hmanlo nghe nghe a ni.