District pahnih Bawrhsap inbe turin rel sak

Chief Secretary, Lalnunmawia Chuaungo hova ramri chungchang ngaihtuah tura din, Core Committee \hukhawm thu angin Zophai hmuna Assam mite’n In an rawn sak thar chungchangah Kolasib District Bawrhsap chu Hailakandi Bawrhsap nena inbe thuai tura tih a ni.

Ramri-ah hian a khawi lam lam mahin hma thar la lova thil awmdan ngai a dah tura tih a nih laiin Assam lam hian tunhnai a tu tih hriat lohte’n bomb hmanga an tihchhiat Muslim biakin sa \ha in dawrte pawh an rawn siam belh niin an sawi a. Core Committee \hukhawm chuan Assam mite thiltih hi \hiat tura Assam sawrkar hrilh ni se an ti a ni.

Home Department hotute sawi danin Kolasib Bawrhsap chu Assam lamin kut an rawn thlakte \hiat tura Hailakandi Bawrhsap hrilh tura tih a ni a. Kolasib District Bawrhsap, Zoengsanga hian sawrkar hotute thu hi Zirtawpni tlai Pisa ban hnu-ah a dawng chauh a, chawlh in a chhunzawm avangin naktuk, Thawhlehni lamah Official takin  Hailakandi Bawrhsap a dawr dawn thu leh inbe tura rawtna thlen dawn thu a sawi a. Kolasib DC chuan Bairabi bul Zophai-a Muslim ho biakin (Mosque) sak mek chu Hailakandi Bawrhsap nen an inbiakna-ah hian \hiahtir leh tum a ni tur thu leh Sawrkar in ti tura a tih ang zela thil kalpui a nih tur thu a sawi a. Zophai hmunah hian State 2 Police ten Patrolling an nei ve ve \hin a ni.

Hetihlai hian ZPM |halai Gen. Hqrs. chuan Core Committee \hukhawmin, Chief Secretary Chairman-na hnuaia an thu rel chu \ha an tiin a hlawhtlin ngei an beisei thu an sawi a. Zophai-a Mosolman Biak In sak mek chu \hiat turin Home Department-in a hma thei ang berin hma la se an tih thu leh leilet neitute leh an hnathawkte venhim hna thawk tur leh Assam lam a\anga hmalakna awm reng reng huai taka lo dolet ngam tur Police duty tir ngei ni se an tih thu an tarlang bawk.