SEC \hutkhawm neih a ni

Serchhip Sub-Hqrs. YMA chuan kumin Fur ruahtui tla tuartute tana Vehbur an khawn chu naktuk, Thawhlehni khian vanduaina tawk te hnenah semchhuah nise an ti.

Serchhip Sub-Hqrs. YMA hian Inrinni khan Executive Committee (SEC) Meeting neiin hemi chungchang hi an ngaihtuah a. Tun \uma Vehbur an khawn ah hian midang ten an thawh nen a vaiin Rs. 3,17,395/- hmuh a ni a. Heng an pawisa hmuh te hi van-duaina tawk chhungkaw 9 te hnenah sem nise tiin \anpuina sum hi vanduaina an tawh nasat dan a zirin pekchhuah tura ruahman a ni bawk.

Serchhip Sub-Hqrs. YMA Executive Committee Meeting hi an President, R. Sang-hmingthanga chuan kaihruaiin an huamchhunga Hnamdang Cement Mistiri leh Helper rate chung-chang an ngaihtuah hnuah Mistiri te hi nikhat ah Rs. 700/- aia sang lo leh Healper te hi nikhat ah Rs. 350/- aia sang lova ruai turin mipuite chu an ti a, hnamdang rawih chungchang ah hian ILP Restriction leh Regulation khuah taka kenkawh a nih theih nan hmalak nise an ti bawk.

Hei bakah hian SEC Meeting hian kumin YMA General Conference a ngaihtuah turin Central YMA-ah Agenda 5 thehluh an rel bakah kumpuan atan ‘Zirna Uar’ tih chu rawt nise an ti a, General Conference-a item nei turin Sub-Hqrs. YMA Cultural Troupe bakah Comedian tirh an rel bawk. Hei bakah hian August 31, 2019 hmain Branch tin ten an remchan angin Faina hnatlang ko se an ti bawk.