Inter-College Folk Dance Competition zawhfel a ni

Mizo Zirlai Pawl (MZP) buatsaih Inter-College Folk Dance Competition kharna inkhawm chu nimin khan neih a ni a, he hun hi Art & Culture Minister, R. Lalzirliana chuan khuallian niin a hmanpui a ni.

Zarkawt Recreation Centre-a Inter-College Folk Dance Competition kharna inkhawm ah hian Art & Culture Minister chuan pipu nunmawi chhawm nung tura Mizo \halai inpe tam tak an awm chu a lawmawm takzet tih sawiin, \thalaite rilru-ah hnam hmangaihna thinlung tuh a, Mizo nunmawi chhawm nun zel chu kan zavaia mawhphurhna a ni tih a sawi a. He huna kalkhawm te chu Mizo kan nihna ah chiang tura chahin, Hnam hrang hrang ni lovin Mizo hnamah hian 'chi' hrang hrang kan awm a, chi bing rilru pu lovin Mizo kan nihnaah insuihkhawm turin a chah a. India ram chauh ni lo ram pawn thleng pawha Mizo culture thehlar dan ngaihtuah \ul a tih thu pawh sawiin hma an la zel dawn tih a sawi bawk.

Khual Zahawm nia he hun hmanpuitu Art & Culture Director, R.Hmingthanzuala pawhin Mizote hian kan hnam leh culture kan vawn nun a ngai tih sawiin, kan ram leh hnam humhalh a, hnam nun zemzawi chawi nung tur chuan Zofate zawng zawng hian mawh kan phur a ni, a ti. Art &Culture Director chuan Mizo puan panga (5) - Tawlhlohpuan, Puanchei, Pawndum, Ngotekherh leh Hmaram te chu dan ang thlapa Mizote ta a nihna, Geographical Indication Registry, Chennai-ah tih fel a ni tawh tih sawiin, Mizo puan panga GI Registration tihfel a lo ni ta hi ram leh hnam tana pawimawh leh chhinchhiahtlak a ni, a ti bawk.

MZP buatsaih Inter-College Folk Dance Competition-ah hian College 9 telin Govt. T. Romana College chu pakhatna an ni a, Mizoram University chu pahnihna niin Pachhunga University College chu pathumna an ni bawk.