Arsa a man tlawmin zuar

Serchhip Ar Vulh Association (SAVA) te chuan Inrinni khan Serchhip Bazar-ah a man tlawmin Arsa an zuar a, hetihlai hian Serchhip Bazar-a Arsa sattu te chuan Ar sa hralh lamah harsatna liantham an tawh phah lo tih an sawi thung.
Serchhip Ar Vulh Association (SAVA) hian ruahmanna an lo siam tawh angin Inrinni khan Serchhip Bazar-ah Arsa hi Kg. 1 Rs. 230/- in an zuar a, Ar hi an pawl Member te hnen a\anga Kg. ah Rs. 180/- hisap-a lain hei hi an puah hnuah Kg. 1 zel Rs. 230/- in an hralh a, Ar pum 100 chuang an ser tih sawiin, Ar vulhtu ten man man zawka Ar an vulh theihna tura hma an lakna a nih thu leh a remchan dan anga hmalak zui zel an tum thu an sawi bawk.
Hetihlai hian Serchhip Bazar-a Ar sa sattute chuan a man tlawma Arsa zuar an awm avang hian Arsa an hralh chungchangah harsatna an tawk lutuk lo tih an sawi a, Inrinni dang a Ar an talh zat aia tlem deuh n talh thu sawiin, amah-erawh chu nidang-a an hralh dan nena chhut chuan an hralh tlemna hi a tam thamlo tih an sawi bawk. Serchhip Bazar-a Arsa sattute chuan an Ar ser tur hi tualchhung ami deuh vek an lak thu sawiin, tunhnaia SAVA ten Ar sa man chungchanga hma an lakna ah hian indawrna mumal tak erawh an neihloh thu leh inbiakna an nei a nih loh chuan an kaldan pangngaia an kal zui zel tur thu an sawi bawk.

Comments

Popular posts from this blog

PAN CARD an tih teh fo hi - Laldinpuia