Serchhip Sub-Hqrs. YMA in leimin tuar te hnenah \anpuina sum an semchhuak

Serchhip Sub-Hqrs. YMA in kumin Fur ruahtui tla avanga harsatna tawk te tana Vehbur an khawn chu nimin tlai khan vanduaina tawk chhungkaw 9 te hnenah semchhuah a ni.
Heng Vehbur khawn semchhuahna puala inkhawm tawi Serchhip Sub-Hqrs. YMA Meeting Room-a neih hi Serchhip Sub-Hqrs. YMA President, R. Sanghmingthanga chuan kaihruaiin Mizo ten midangte \anpui duhna rilru kan pu leh midangte tana lungchhuaka mi tlawmngai kan la awm zel chu lawmawm a tih thu a sawi a. Mi \henkhat ten ‘YMA in a kuang lo a nawr’ lo ti \hin mah se YMA chu ‘Zofate hmasawnna ngaihtuah’ tih thuvawn-a neitu a nih avangin kuang lo tak tak a neihloh thu a sawi a. Chutiang bawkin kan rama hmasawnna hna thawh te pawh a nih dan tur anga thawh chu Zofate hmasawnna atana thil pawimawh a nih avangin YMA chuan hemi kawngah pawh hma an lak zel tur thu a sawi a. YMA chuan kumdang ah pawh Fur ruahtui tla avanga vanduaina tawk te tan hian Vehbur an khawn \hin tawh thu leh tun \umah hian Serchhip Town chhung leh direct-a awp Branch-ah Vehbur hi khawn a nih thu a sawi a, an Vehbur khawn-a pawisa an hmuh ang te chu Sub-Hqrs. YMA Executive Committee in a sem dan tur ruahmanna an siam thu a sawi bawk.
He hunah Serchhip Sub-Hqrs. YMA Secretary, Lalrammawia chuan kumin a Vehbur an khawn dan leh an semchhuah dan tarlangin, kumin a Fur ruahtui tla tuar te tan hian Serchhip Town chhung leh Direct-a awp Branch 28-ah Vehbur hi khawn niin District Agriculture Officer (DAO) Serchhip hnuaia thawk ten sum leh pai an thawhkhawm leh Serchhip District Boxing Association ten sum an thawh nen a vaiin Rs. 3,17,395/- hmuh a ni a. Vanduaina tawk te hi Sub-Hqrs. YMA Disaster Management Committee chuan an dinhmun a zirchian hnuah mi 9 te chu \anpuina dawng tur hian thlan an nih thu a sawi a. Vanduaina tawk te hi hlawm li-ah \henin chhiatna an tawrh nasat dan a zira \anpuina pek zat hi a inan loh thu a sawi a. Leimin in bungrua engmah chuh hman loha an chenna In a hnawl, Zabiaka, Chanmari Veng te chu Rs. 70,000/- hlan niin leimin avanga chenna In leh sak lai chhia leh chim chhungkaw 3- Lalduhawma, Saron Veng; F. Sawithanga, Saron Veng leh Lalrinmawii, Dinthar Veng te chu Rs. 55,000/- \heuh hlan an ni a. Leikhi avanga chenna In chhuahsan leh a hnua \hiah tak mi 3- Chhawnmawia, Darnam; Kawlhnuna, Saron Veng leh K. Vanlalvena, Saron Veng te Rs. 20,000/- \heuh hlanin leikhi avanga chenna In chhuahsan leh luah zui ngam ta lo, KC. Rosanga, Saron Veng leh Rochununga, Saron Veng te chu Rs. 11,000/- ve ve hlan an ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia